Aqmola oblysynyń Býrabai aýdanynda kvadrotsikldiń aýdarylýy saldarynan 22 jastaǵy boijetken qaza tapty, dep habarlaidy ult.kz.
Oblystyq Politsiia departamentiniń málimetinshe, qaiǵyly oqiǵa 7 shilde kúni Zelenyi Bor men Býrabai aýyldarynyń arasyndaǵy jolda bolǵan. 22 jastaǵy Máskeý qalasynyń turǵyny kvadrotsikldi basqara almai, kólik aýdarylyp ketken. Alǵan aýyr jaraqatynan ol oqiǵa ornynda kóz jumǵan.
Kólikte birge bolǵan 2007 jyly týǵan Astana qalasynyń turǵyny meditsinalyq kómekke júgindi.
Atalǵan fakti boiynsha qylmystyq is qozǵaldy. Tergeýshiler oqiǵanyń barlyq mán-jaiyn anyqtap jatyr. Sonymen qatar kvadrotsiklderdi jalǵa berý pýnktiniń qyzmeti, tehnikany jalǵa berý kezindegi qaýipsizdik talaptarynyń saqtalýy jáne apatqa áser etýi múmkin ózge de jaittar tekserilýde.
