Qazaqstandaǵy adam quqyqtary jónindegi ýákil Elvira Ázimova qańtar oqiǵasyna bailanysty neshe adamnyń qamaýda otyrǵanyn aitty, dep habarlaidy QazAqparat.
«10 qańtardaǵy jaǵdai boiynsha Bas prokýratýra 1000-nan astam adamnyń qamaýda otyrǵany týraly aitqan bolatyn. 19 aqpandaǵy jaǵdai boiynsha 724 azamat qamaýda otyr. Ustalǵandardyń sany qamaý sharalaryn eshqaida ketpeý týraly qolhat, úiqamaq, kámeletke tolmaǵandardyń týystarynyń kepilgerligi siiaqty bostandyqty shekteýmen bailanysy joq balama sharalarmen aýystyrýdyń arqasynda azaidy. Biraq ázirge bul azamattarǵa taǵylǵan aiyp alynbaǵanyn túsiný kerek. Sotta qaralýy qajet», - Elvira Ázimova.
Sondai-aq, óz atyna osy másele boiynsha azamattardan 80-nen astam shaǵym kelip túskenin aitty.
«Onyń jartysy ustaý kezinde jáne ustalǵannan keiingi 48 saǵattyń ishinde qatygezdikpen kúsh qoldaný jáne tergeýdiń zańǵa qaishy tásilderi boiynsha túsken. Ustalǵan azamattardan túsken shaǵymnyń bárin biz tekserý júrgizip, qylmystyq is qozǵatý úshin Bas prokýratýraǵa jiberemiz. Biz ustalǵandarmen, olardyń týystarymen kezdesip, sol kezdesýler qorytyndysy boiynsha prokýratýranyń, oblys jáne qala ákimdiginiń ókilderimen kelissóz júrgizemiz», - dedi Adam quqyqtary jónindegi ýákil.
