قازاقستانداعى ادام قۇقىقتارى جٶنٸندەگٸ ۋەكٸل ەلۆيرا ەزٸموۆا قاڭتار وقيعاسىنا بايلانىستى نەشە ادامنىڭ قاماۋدا وتىرعانىن ايتتى, دەپ حابارلايدى قازاقپارات.
«10 قاڭتارداعى جاعداي بويىنشا باس پروكۋراتۋرا 1000-نان استام ادامنىڭ قاماۋدا وتىرعانى تۋرالى ايتقان بولاتىن. 19 اقپانداعى جاعداي بويىنشا 724 ازامات قاماۋدا وتىر. ۇستالعانداردىڭ سانى قاماۋ شارالارىن ەشقايدا كەتپەۋ تۋرالى قولحات, ٷيقاماق, كەمەلەتكە تولماعانداردىڭ تۋىستارىنىڭ كەپٸلگەرلٸگٸ سيياقتى بوستاندىقتى شەكتەۋمەن بايلانىسى جوق بالاما شارالارمەن اۋىستىرۋدىڭ ارقاسىندا ازايدى. بٸراق ەزٸرگە بۇل ازاماتتارعا تاعىلعان ايىپ الىنباعانىن تٷسٸنۋ كەرەك. سوتتا قارالۋى قاجەت», - ەلۆيرا ەزٸموۆا.
سونداي-اق, ٶز اتىنا وسى مەسەلە بويىنشا ازاماتتاردان 80-نەن استام شاعىم كەلٸپ تٷسكەنٸن ايتتى.
«ونىڭ جارتىسى ۇستاۋ كەزٸندە جەنە ۇستالعاننان كەيٸنگٸ 48 ساعاتتىڭ ٸشٸندە قاتىگەزدٸكپەن كٷش قولدانۋ جەنە تەرگەۋدٸڭ زاڭعا قايشى تەسٸلدەرٸ بويىنشا تٷسكەن. ۇستالعان ازاماتتاردان تٷسكەن شاعىمنىڭ بەرٸن بٸز تەكسەرۋ جٷرگٸزٸپ, قىلمىستىق ٸس قوزعاتۋ ٷشٸن باس پروكۋراتۋراعا جٸبەرەمٸز. بٸز ۇستالعاندارمەن, ولاردىڭ تۋىستارىمەن كەزدەسٸپ, سول كەزدەسۋلەر قورىتىندىسى بويىنشا پروكۋراتۋرانىڭ, وبلىس جەنە قالا ەكٸمدٸگٸنٸڭ ٶكٸلدەرٸمەن كەلٸسسٶز جٷرگٸزەمٸز», - دەدٸ ادام قۇقىقتارى جٶنٸندەگٸ ۋەكٸل.
