Qazaqstandaǵy IýNISEF málimeti boiynsha balalardyń 66% -y mekteptegi zorlyq-zombylyq pen kemsitýge tap bolsa, 44%-y mekteptegi zorlyq-zombylyqtyń qurbany bolady, dep habarlaidy QazAqparat.
«Ainalaiyn SOS» jobasynda býlling máselesi sýretter arqyly sipattaldy
IýNISEF-tiń Qazaqstandaǵy zertteýleri kórsetkendei, mektepte qorlaý jáne bopsalaý elementteri bar zorlyq-zombylyq kórgen balalarda sýitsid jasaý qaýpi joǵary.
«Muǵalim balaǵa psihologiialyq qysym kórsetip, synyptaǵy barlyq oqýshynyń kózinshe onyń kóńiline keletin sóz aityp, tipti tárbieleýdiń bir bólshegi retinde oqýshyny kemsitetin sózder aitýy múmkin. mundai qarym-qatynas oqýshynyń psihologiialyq jaǵdaiyna keri áserin tigizedi. Muǵalim mundai áreketi arqly ózi agressor bolyp qana qoimai, synyptaǵy oqýshylarǵa ózderin osylai ustaýǵa ruqsat bergendei bolady. Osylaisha muǵalimnen jábir kórgen oqýshy synybyndaǵy basqa oqýshylardan da osylai jábir kóre bastaidy», - deidi býllingke qarsy «Street Law Kazakhstan» baǵdarlamasynyń koordinatory Halida Ájiǵulova.
Kemsitýdiń saldary ártúrli bolýy múmkin. Mysaly, oqýshy ózin kemsitkendikten únemi kúizeliste júrip, sabaq oqi almai qalýy múmkin. ózin durys dárejede baǵalamai, qorshaǵan ortasymen qarym-qatynas jasaý qiynǵa soǵady. Tipti, munyń sońy psihoterapiialyq emdi qajet etýge ákelýi múmkin. Kúsh kórsetý, keleke etýdiń qurbandary sýitsid jasaý týraly basqa oqýshylarǵa qaraǵanda 5 ese kóp oilaidy.
«Ainalaiyn SOS» jobasynda býlling máselesi sýretter arqyly sipattaldy.
«Biz fotojobaǵa qatysýǵa kelisim berip, mektepterde balalardy kemsitý qalai júzege asatyny týraly aityp bergen balalarǵa alǵys aitamyz. Olardyń keibiri býllingge qatysty bastarynan ótkizgen jaǵdailardy aitty, al biz ony plakatqa sýret salý arqyly jetkizýge tyrystyq. Bul plakattar oqýshylar tarapynan kemsitýge tap bolǵan balalarǵa bul týraly oiyn ashyq aitýǵa kómektesedi dep oilaimyz. Keleke etý, kemsitý – janǵa jazylmas jara salyp ketedi. Bizdiń balalarymyz býllingke tap bolmaýy kerek, olar bar jaqsylyq ataýlyǵa laiyqty», - deidi Peremena.media basylymynyń bas redaktory Aijan Madihodjaeva.
