Búgin, Qazaqstan Respýblikasy Prezidenti óz Jarlyǵymen «Elimizde latyn grafikasyna ótý» jóninde sheshim shyǵardy.
Bul qadam, Qazaq eliniń Táýelsizdik alǵannan keiingi eń mańyzdy, bizdiń ulttyq kodqa tikelei taǵdyrlyq áseri bar sheshim!
Osynaý sheshim, Qazaq ultynyń, bizdiń halyqtyń rýhani-gýmanitarlyq betalysyn, baǵytyn anyqtaityn birden-bir jol.
Búgingi zamanymyzdyń basty tendentsiiasy – innovatsiialardy eselene paidalaný men noý-haý, dástúrli emes energiiany paidalaný, qoǵamdyq damý men áleýmettik modernizatsiialaýdyń basty ózegi bolyp tabylady.
Bizdiń balalarymyzdyń osyndai jyldam da, ózgermeli ýaqytta ómir súrýge qabiletti bolýy jetkiliksiz, olar osy oqiǵalar men úderisterdiń qainaǵan ortasy men top basynda bolýy shart.
Sondyqtan da, latyn árpin engizý ultymyz úshin mańyzdy, óte qajetti, ýaqyt talabyna sai keletin jańa atribýt!
Osy turǵyda, latyn grafikasyn engizý máselesinde ult bolyp, qoǵam bolyp at salysatyn ýaqyt jetti!
Dál qazir ár-bir azamat óz azamattyǵyn kórsetýi qajet.
Grafika degenimiz qatyp qalǵan dogma emes, «kerýen júre túzeledi», ýaqyt pen zaman úrdisine qarai álipbi de ózgeretin bolady.
Qazirgi másele, osy saiasi, gýmanitarlyq qadamdy qoldaý!
Búgingi elimizge ultty jumyldyra alatyn, zamanýi aǵymǵa sáikes, jańa baǵyttaǵy rýhani aǵym qajet.
Latyn qarpin engizýdiń eń basty máiegi men ózegi, onyń basty dramatýrgiiasy osynda jatyr!
Jahandaný protsessi óziniń jaǵymdy jaqtarymen qatar, ulttyq mádenietti korroziiaǵa ushyrata otyryp, rýhani álemimizge óshpes syzat túsiretindigin kórsetip otyr!
Osyndaý rýhani alapaty kóp zamanda ómir súrip qana qoimai, qaryshty damý úshin árdaiym damý ústinde bolý shart.
Biz álemdik mádeni keńistiginde rýhani-mádeni «gettoǵa» ainalmaýymyz kerek!
Latyn árpin engizýdiń mán-jaiy osyndai kúresten týady!
Latyn árpi – bizdiń dástúrli mádenietimizdi damytýdyń, álemdik ǵylymi ainalymǵa ený jolyndaǵy «rýhani lifti», irgetasy bolmaq.
Biz azamattarymyzdyń bolashaǵyn qoldaityndyqtan, latyn qarpin qoldaimyz!
Bolashaǵyńa at salys!
«Latyn árpi - ulttyq kodymyzdy órkendetýdiń joly»
Erlan Sairovtyń feisbýktaǵy jazbasyna
