Prezidenttiń kómekshisi Erlan Qarin Memleket basshysynyń taiaýda jariia etken reformalyq bastamalary jóninde pikir bildirdi. Onyń aitýynsha, Parlamenttiń alǵashqy sessiiasynda eldegi qoǵamdyq jáne saiasi ómirge edáýir ózgeris engizetin málimdeme jariialanǵan, dep habarlaidy Qazaqparat.
«Prezidenttiń ótken aptada Parlamenttiń birinshi sessiiasynda jariialaǵan málimdemesi - prezidenttik saiasi reformalardyń úshinshi paketi dep aitýǵa bolady. Bul jerde eń úlken jańalyq - Parlament pen máslihattarǵa sailaý kezinde sailaý tabaldyryǵyn qazirgi 7 paiyzdan 5 paiyzǵa tómendetý jónindegi sheshimi. Bul jóninde uzaq ýaqyt boiy aitylyp júrgenimen, ártúrli pikir boldy. Sarapshylardyń kóbi sailaý tabaldyryǵyn túsirý bastamasyn kótergenimen, keibiri asyǵystyq tanytpaý kerek dedi. Biraq elimizdegi pliýralizmdi eskere otyryp, partiialardyń róliniń artyp kele jatqanyn eskerip, Prezident óziniń úndeýinde depýtattarǵa oi saldy», - dedi Erlan Qarin elordada ótip jatqan «Prezidenttik jańa saiasi reformalar paketi» atty dóńgelek ústelde.
Onyń aitýynsha, bul durys sheshim. Sebebi atalmysh ózgeris arqyly Parlament pen máslihattar aldaǵy sailaýlarda qoldaý taýyp, ózderiniń baǵdarlamalaryn jetkizýde qosymsha tetikke ie bolady.
«Ekinshi úlken bastama - sailaý biýlletenderinde «bárine qarsy» normasyn engizý. Bul jóninde de ártúrli pikirtalas boldy. Mundai norma bizdiń zańnamada bolǵan. Biraq keiin sarapshylardyń pikirin eskere otyryp, alynyp tastalǵan. Qazirgi ýaqytta atalmysh norma azamattarǵa teń quqyq berý úshin engizilgeli otyr. Bul da bizdiń elimizdiń saiasi damýy jolyndaǵy mańyzdy sheshim dep oilaimyn. Óitkeni protestik jáne basqa da oi-pikirlerdiń institýtsiialanýyna da alǵyshart qalyptastyrady», - dedi ol.
Sonymen qatar Erlan Qarin Memleket basshysynyń aldaǵy ýaqytta aýdan ákimderi de sailaý arqyly anyqtalatynyn aitqanyn eske saldy.
«Buǵan deiin Prezident aýyl ákimderi týraly aityp kelse, bul joly joǵary minberden aýdan ákimderin de sailaý kerektigin de jariia etti. Bul - Memleket basshysy tarapynan aitarlyqtai salmaqty saiasi málimdeme. Sebebi tuńǵysh ret aldaǵy ýaqytta Memleket basshysy odan da joǵary deńgeidegi sailaý júiesine kóshýimiz múmkin ekenin aityp qaldy», - dedi Erlan Qarin.
