Almatyda Qazaqstannyń eńbek sińirgen qairatkeri, mýzykalyq oryndaýshy Baqtiiar Tailaqbaev AES salý máselesi boiynsha referendýmǵa qatysty.
Ánshi №176 Almaty mektep-gimnaziiasynda ornalasqan № 508 sailaý ýchaskesine keldi.
"Búgin bárimiz óz oiymyzdy aitýǵa jáne óz kózqarasymyzdy kórsetýge múmkindigimiz bar. Referendým - bul bir-birimizdi estip, qoǵamymyz úshin ne mańyzdy ekenin túsinýge baǵyttalǵan qadam", - dep atap ótti ánshi.
Baqtiiar Tailaqbaev mundai bastamalar qoǵamdyq pikirdiń salmaǵy bar ekenin jáne sheshim qabyldaýda sheshýshi ról atqaratynyn atap ótti.
"Elektr energetikasy júiesiniń basty máselesin qamtyǵan referendým qorytyndysy elimizdiń bolashaǵy úshin mańyzdy baǵdar bolýǵa ýáde beredi", - dedi ol.
Esterińizge sala keteiik, búgin respýblikalyq referendým ótýde. Almatyda barlyq 624 sailaý ýchaskesi ashyldy. Qala ákimi Erbolat Dosaev jubaiymen birge №48 mektep-litseide №388 sailaý ýchaskesine kelip, alǵashqylardyń biri bolyp daýys berýge qatysty.
Almatylyqtar turǵylyqty jeri boiynsha sailaý ýchaskelerine baryp, saǵat 20.00-ge deiin óz daýystaryn bere alady.
