2027 jylǵy 1 qańtardan bastap Qazaqstanda balaly otbasylarǵa áleýmettik tólem taǵaiyndaý tártibi ózgerýi múmkin. Jańa talaptarǵa qatysty málimetterge sáikes, bala bir jarym jasqa tolǵanǵa deiingi kútimine arnalǵan tólemdi taǵaiyndaý sharttary qaita qaralmaq, dep habarlaidy ult.kz.
Quryltai depýtaty Lázzat Qojahmettiń aitýynsha, áleýmettik aýdarymdary tólengen jumys isteitin áielder Memlekettik áleýmettik saqtandyrý qorynan (MÁSQ) júktilik pen bosanýǵa bailanysty áleýmettik tólemderdi burynǵy tártippen ala beredi. Al bala kútimine bailanysty ai saiynǵy tólem burynǵy tabystyń 40 paiyzy mólsherinde eseptelip, sábi bir jarym jasqa tolǵanǵa deiin tólenedi.
Bul tólemderdi taǵaiyndaý kezinde otbasynyń áleýmettik ál-aýqat sanaty eskerilmeidi. Iaǵni, qajetti áleýmettik aýdarymdary tólengen jumys isteitin áielder otbasynyń tabysy men turmys deńgeiine qaramastan áleýmettik tólem alýǵa quqyly.
2027 jyldan bastap áleýmettik aýdarymdary joq jumys istemeitin áielderge MÁSQ esebinen tólem taǵaiyndaý tártibi de nazarǵa ilinip otyr. Olar bala týýyna bailanysty birjolǵy járdemaqy ala alady. Al bala kútimine arnalǵan tólemniń taǵaiyndalýy otbasynyń áleýmettik jaǵdaiy men qoldanystaǵy talaptarǵa bailanysty bolýy múmkin.
Eger otbasy áleýmettik kómekke muqtaj dep tanylmasa, onyń tabysy kúnkóriske jetkilikti bolsa, bala kútimine bailanysty járdemaqy taǵaiyndaýǵa shekteý qoiylýy yqtimal. Bul rette otbasynyń tabysy, eńbekke qabiletti músheleriniń jaǵdaiy jáne basqa da talaptar eskeriledi.
Depýtat Lázzat Qojahmettiń sózinshe, qazir turmysy jetkilikti otbasylar sanatyndaǵy 30 myńnan astam qazaqstandyq áiel osyndai tólem alyp otyr.
Buǵan deiin Qazaqstanda dekrettik tólemderdi taǵaiyndaýdyń jańa tártibi týraly da habarlanǵan edi. Jańa talaptarǵa sáikes, tabysyn qolma-qol alatyn azamattar ony kassalyq chekter nemese arnaiy mobildi qosymshadaǵy málimetter arqyly rastaýy kerek. Sonymen qatar áleýmettik salyqtyń tólenýi men mindetti áleýmettik meditsinalyq saqtandyrý jarnalarynyń aýdarylýy da eskeriledi. Al tabys kólemi ózgergen jaǵdaida, onyń durystyǵy salyq deklaratsiiasyndaǵy derektermen salystyrý arqyly tekseriledi.
