Qazaqstannyń Tuńǵysh prezidenti Nursultan Nazarbaev amerikalyq rejisser Oliver Stoýnnyń "Qazaq. Istoriia Zolotogo cheloveka" atty segiz saǵattyq derekti filminde Rahat Áliev týraly suraqqa jaýap berdi, - dep habarlaidy Tengrinews.kz.
"Bul - meniń aýyr qatem. Ol qarjy politsiiasynyń basshysy boldy. Osy jaǵdaiyn paidalanyp, biznesti tartyp aldy, aqsha jinap, alyp qoidy. Oǵan birde "Toqta" degenmin. Ózińiz oilap kórińizshi, meniń kúieý balam. Úsh jiensharym bar. Qyzym, úsh jiensharym jáne onyń ákesi bar, keldi... Men "Men ne istei alamyn? Ol - qylmysker" dep jaýap berdim, - dedi Tuńǵysh Prezident.
Osydan keiin Oliver Stoýn bul Nazarbaevqa óte aýyr tigen shyǵar dep topshylady.
"Óte aýyr tidi. Bireý-mireý bolsa... Al munda óz adamyń, senip, arqa súieidi degen adamyń...", - dedi Elbasy bul taqyrypty qozǵaǵysy kelmeitin Dariǵa Nazarbaevany túsinetinin aityp.
2015 jyly Nursultan Nazarbaev týystarynyń Rahat Áliev isine qandai kózqarasta bolǵanyn aityp bergen edi.
"Nege jurt úsh jiensharymnyń ákesin túrmege otyrǵyzǵanymdy umytty? Anasymen birge jylap maǵan kelmedi dep oilaisyzdar ma? Keldi. Ýaiymdamady deisizder me? Árine, ýaiymdadym. Biraq munyń anyq ekenin, shekten shyqqandyq ekenin túsingende toqtai almadym. Týystar jinaldy, bári kóndirýge tyrysty: "Bári óz qolyńda ǵoi, jaba salsań qaitedi". Barlyq týysyma, balalaryma, dostaryma eshkim qutylmaitynyn eskerttim", - degen edi Elbasy.
Eske salaiyq, Rahat Áliev - Dariǵa Nazarbaevanyń kúieýi. 2007 jylǵa deiin ol Avstriiadaǵy elshi qyzmetin atqardy, Qazaqstanda jalpy alǵanda 40 jylǵa bas bostandyǵynan aiyrylǵan. Oǵan birqatar aýyr qylmys jasady degen aiyp taǵylǵan, olardyń ishinde otanyna satqyndyq jasaý, memlekettik tóńkeris jasaý bar. Sot úkimderi syrttai shyǵarylǵan, sebebi Áliev 2007 jyldyń kókteminen beri shetelde jasyrynǵan.
Avstriianyń quqyq qorǵaý organdary Rahat Álievti 2014 jyldyń maýsymynda Venada ustaǵan. Qazaqstan Bas prokýratýrasynyń sol kezde taratqan málimeti boiynsha, ony ustaýǵa "Nurbank" AQ top-menedjerleri Joldas Temiraliev pen Aibar Hasenovti urlap, óltirý deregi boiynsha materialdar sebep bolǵan.
2015 jyldyń 23 aqpanynda Rahat Áliev Venadaǵy ýaqytsha ustaý izoliatorynda asylyp qalǵan kúii tabylǵan.
