قازاقستاننىڭ تۇڭعىش پرەزيدەنتٸ نۇرسۇلتان نازارباەۆ امەريكالىق رەجيسسەر وليۆەر ستوۋننىڭ "Qazaq. يستورييا زولوتوگو چەلوۆەكا" اتتى سەگٸز ساعاتتىق دەرەكتٸ فيلمٸندە راحات ەليەۆ تۋرالى سۇراققا جاۋاپ بەردٸ, - دەپ حابارلايدى Tengrinews.kz.
"بۇل - مەنٸڭ اۋىر قاتەم. ول قارجى پوليتسيياسىنىڭ باسشىسى بولدى. وسى جاعدايىن پايدالانىپ, بيزنەستٸ تارتىپ الدى, اقشا جيناپ, الىپ قويدى. وعان بٸردە "توقتا" دەگەنمٸن. ٶزٸڭٸز ويلاپ كٶرٸڭٸزشٸ, مەنٸڭ كٷيەۋ بالام. ٷش جيەنشارىم بار. قىزىم, ٷش جيەنشارىم جەنە ونىڭ ەكەسٸ بار, كەلدٸ... مەن "مەن نە ٸستەي الامىن? ول - قىلمىسكەر" دەپ جاۋاپ بەردٸم, - دەدٸ تۇڭعىش پرەزيدەنت.
وسىدان كەيٸن وليۆەر ستوۋن بۇل نازارباەۆقا ٶتە اۋىر تيگەن شىعار دەپ توپشىلادى.
"ٶتە اۋىر تيدٸ. بٸرەۋ-مٸرەۋ بولسا... ال مۇندا ٶز ادامىڭ, سەنٸپ, ارقا سٷيەيدٸ دەگەن ادامىڭ...", - دەدٸ ەلباسى بۇل تاقىرىپتى قوزعاعىسى كەلمەيتٸن داريعا نازارباەۆانى تٷسٸنەتٸنٸن ايتىپ.
2015 جىلى نۇرسۇلتان نازارباەۆ تۋىستارىنىڭ راحات ەليەۆ ٸسٸنە قانداي كٶزقاراستا بولعانىن ايتىپ بەرگەن ەدٸ.
"نەگە جۇرت ٷش جيەنشارىمنىڭ ەكەسٸن تٷرمەگە وتىرعىزعانىمدى ۇمىتتى? اناسىمەن بٸرگە جىلاپ ماعان كەلمەدٸ دەپ ويلايسىزدار ما? كەلدٸ. ۋايىمدامادى دەيسٸزدەر مە? ەرينە, ۋايىمدادىم. بٸراق مۇنىڭ انىق ەكەنٸن, شەكتەن شىققاندىق ەكەنٸن تٷسٸنگەندە توقتاي المادىم. تۋىستار جينالدى, بەرٸ كٶندٸرۋگە تىرىستى: "بەرٸ ٶز قولىڭدا عوي, جابا سالساڭ قايتەدٸ". بارلىق تۋىسىما, بالالارىما, دوستارىما ەشكٸم قۇتىلمايتىنىن ەسكەرتتٸم", - دەگەن ەدٸ ەلباسى.
ەسكە سالايىق, راحات ەليەۆ - داريعا نازارباەۆانىڭ كٷيەۋٸ. 2007 جىلعا دەيٸن ول اۆستريياداعى ەلشٸ قىزمەتٸن اتقاردى, قازاقستاندا جالپى العاندا 40 جىلعا باس بوستاندىعىنان ايىرىلعان. وعان بٸرقاتار اۋىر قىلمىس جاسادى دەگەن ايىپ تاعىلعان, ولاردىڭ ٸشٸندە وتانىنا ساتقىندىق جاساۋ, مەملەكەتتٸك تٶڭكەرٸس جاساۋ بار. سوت ٷكٸمدەرٸ سىرتتاي شىعارىلعان, سەبەبٸ ەليەۆ 2007 جىلدىڭ كٶكتەمٸنەن بەرٸ شەتەلدە جاسىرىنعان.
اۆسترييانىڭ قۇقىق قورعاۋ ورگاندارى راحات ەليەۆتٸ 2014 جىلدىڭ ماۋسىمىندا ۆەنادا ۇستاعان. قازاقستان باس پروكۋراتۋراسىنىڭ سول كەزدە تاراتقان مەلٸمەتٸ بويىنشا, ونى ۇستاۋعا "نۇربانك" اق توپ-مەنەدجەرلەرٸ جولداس تەمٸراليەۆ پەن ايبار حاسەنوۆتٸ ۇرلاپ, ٶلتٸرۋ دەرەگٸ بويىنشا ماتەريالدار سەبەپ بولعان.
2015 جىلدىڭ 23 اقپانىندا راحات ەليەۆ ۆەناداعى ۋاقىتشا ۇستاۋ يزولياتورىندا اسىلىپ قالعان كٷيٸ تابىلعان.
