Qordai qaqtyǵysyna bailanysty qazir jelide bir «nevejestvo» degen sóz alaýlap tur. Ony aityp jatqandar negizinen orystildiler, ózderin gýmanist sanaityn aqyldylar jáne keibir jýrnalister men quqyqqorǵaýshylar. Al osy «nevejestvo» kimniń tarapynan oryn aldy? Aqsaqaldyń saqalyna jabysyp, eki balasymen soqqyǵa jyqqan kim? Olardy jaýapqa tartýǵa kelgen tártip saqshylaryna dońaibat kórsetip, uryp-soǵyp, shańǵa aýnatyp, kiimin dala-dala qylǵan kim? Oǵan jol bergen kim?
Qazaq jurty óz elinde áli kúnge deiin ult dárejesine kóterile almai, Qazaqstandaǵy kóp ulystyń biri sekildi shetqaqpai kórip, ult tutastyǵynyń negizi bolýǵa tiisti tili jetimsirep, bosaǵadan syǵalaýmen júr. Ártúrli ulystar men diasporalar memleketti qurýshy ultty syilamasa, tilin mensinbese, ormanǵa qarap uli berse, qazaq kaitpek? Qarap turyp jan bere me? Árine mundai kezde shartsyz reflekske jol beriledi!
«Kishkentai halyqqa úlken qanjar kerek» degen Imam Shámil. Biz - kishkentai halyq emespiz, "úlken qanjarǵa" da qumarlyǵymyz joq, biraq baitaq jerdi uiytyp, basqany baýyryna alyp, jylytyp otyrsa da qazaq qazir sol Imam Shámil aitqan «kishkentai halyqtyń» kúiin keship otyr. Halyq - asaý ózen. Babyn tapsań, baiaý aǵady, baǵyńdy jainatady. Baýyryn túrtip, tesseń, aǵyzyp ketedi. Tasyp, topalań jasaidy. Baýyryn tesken áleýmettik teńsizdikten elin saqtaý úshin, tutastyǵyn saqtaý úshin, berekesi ketpes úshin, amal joq, bilekke súiendi! Bul – «nevejestvo» emes! Bul – halyqtyń ózin-ózi saqtaý instingi!
Ultty biriktiretin – til! Bárimizdi jarastyratyn da – til! Qushaqty ashyp, baýyrǵa basatyn da - til! Eger jerimizdiń bailyǵy ózine buiyryp, túrli ulystar bir tilde - qazaq tilinde sóilep, shyn mánindegi huqyqtyq, ýnitarly memleketke ainalsaq, «nevejestvoǵa» jol qalmas edi ǵoi?
Daniiar Salamattyń feisbýktaǵy jazbasynan
