Májilis depýtaty Amanjan Jamalov qazaqstandyqtardyń teńgelik depozitterine tólenetin 10 paiyzdyq memlekettik syilyqaqyny alyp tastaý týraly usynysyna qatysty pikir bildirdi, - dep habarlaidy Tengrinews.kz.
Jamalov teńgelik depozitter boiynsha syilyqaqyny alyp tastaý týraly usynysy, bankterdiń múddesin qoldaityn kommentatorlar men sarapshylar synyna ushyraǵanyn aitty.
Óitkeni, depozitterdi óteý týraly sheshim azamattar múddesine emes, tegin olja bolyp tabylatyn qosymsha 700-800 milliard ainalym qarajatyn alatyn bankterdiń múddesinen týyndap otyr, osy qarajatty olar Qazaqstan biznesi men halqyna tonaýshylyq paiyzben taratady nemese 13,5 paiyzben Ulttyq banktiń notalaryna salady. Bul aqshany olar biýdjetten, salyq tóleýshiler esebinen alatynyn erekshe atap kórsetkim keledi. Al biýdjet aqshasy - bul, birinshi kezekte, halyqtyń aqshasy", - dep jazdy Amanjan Jamalov Facebook-paraqshasynda.
Onyń aitýynsha, birinshi kimge ne óteletinin túsiný kerek. Ótelýge jatatyn depozitter boiynsha joǵarǵy shek 20 million teńgeden bastalady.
"Iaǵni, áńgime múlde kedei emes adamdar týraly bolyp otyr. Bul aqyldysymaqtar ne úshin biýdjet aqshasyn bai adamdardy qoldaýǵa jumsaý kerek ekenin túsindirsin.
Kez kelgen devalvatsiianyń negizgi jaǵymsyz tusy - bul baǵanyń ósýi. Degendei, bul is júzinde kedeilerge salynatyn salyq. Ári eger kimde-kim memleketten ótemaqy alýǵa tiis bolsa, bul kirisi tómen otbasylar, zeinetkerler men múgedekter. Sondyqtan da, áleýmettik tólemderdi - zeinetaqylardy, járdemaqylardy, ataýly kómekti basymdyqty túrde indeksteý qajet", - dedi ol.
Sonymen qatar, depýtat onyń usynysymen kelispegender azamattardyń zeinetaqy jinaqtaryn teńge baǵamynyń quldyraý deńgeiine óteý týraly másele kótermei otyrǵanyn aitty.
"Onyń jaýaby óte qarapaiym. Bul bankterdiń ózine eshqandai tikelei dividendter bermeidi. Bankterge keletin bolsaq, olar elde bolyp jatqan qarjylyq sumdyqqa tikelei qatysýshylar. Bankter halyqqa qos tańbaly paiyzben asyra kredit berip tastaǵan. Bankter valiýta naryǵyndaǵy baǵamdy shaiqap otyr. Bankter biýdjetten sýbsidiia alyp, Ulttyq banktiń notalarynan qosymsha tabys taýyp otyr. Bálkim, qazir bankter eldegi eń utymdy jaǵdaida shyǵar", - dedi Amanjan Jamalov.
Buǵan deiin Májilis depýtaty Amanjan Jamalov memleketten qazaqstandyqtardyń teńgelik depozitine 10 paiyzdyq syilyqaqy tóleýge qarsy shyqqan bolatyn.
