Keshe ǵana QR Premer-Ministri Asqar Maminniń tóraǵalyǵymen ótken memlekettik komissiia otyrysynda qalyptasqan epidemiologiialyq jaǵdaidy eskere otyryp, karantin sharalaryn kezeń-kezeńimen alyp tastaý jospary bekitilgen edi.
Jiyn barysynda elimizdegi sanitarlyq-epidemiologiialyq jaǵdai, shekteý sharalaryn jeńildetý jónindegi usynystar, óńirler men kásipkerlik sýbektileriniń qyzmetti qaita bastaýǵa daiyndyǵy týraly Densaýlyq saqtaý ministri men birqatar oblys basshylary, sondai-aq «Atameken» UKP basqarma tóraǵasy baiandama jasaǵan bolatyn.
Qazaqstanda karantin sharalary kúshine engizilgen kezeńde epidemiologiialyq ahýal turaqtandyrylyp, meditsinalyq uiymdardyń júktemesi aitarlyqtai tómendegen. Virýsty juqtyrýdyń táýliktik ósimi 4%-dan 0,5%-ǵa deiin azaica, saýyǵyp shyqqan adamdar sany 76%-ǵa jetip, reprodýktivtiliktiń ortasha kórsetkishi 0,78-ge deiin tómendegen.
Osy oraida, Ult portaly shekteý sharalaryn jeńildetýge bailanysty óner adamdarynyń oi-pikirin bilgen edi.
«Álemdi alańdatyp, el basyna tóngen qaýip áli de seiilmei tur. Indet talai jandy jalmady, eshkimdi aiamady.
"Tártipke baǵynǵan qul bolmaidy", - deidi qazaq. Bul kezeńnen aýyrtpalyqsyz shyǵýdyń joly - árine, saqtyq sharalaryn qatań saqtaý, betperde kiiý hám kópshiliktiń basy qosylatyn jiyn-toilarǵa barýdan bas tartý. El-jurtqa qaiǵy men qatar aýyrtpashylyǵyn ákelgen bul aýmaly-tókpeli zaman da óter. Bastysy, ýaiym-qorqynyshqa boi aldyrmai, jaqsy kúnderden úmitti bolaiyq!" - deidi Júsipbek Aimaýytov atyndaǵy oblystyq qazaq drama teatrynyń ártisi, mádeniet salasynyń úzdigi Nurjan Sarqambaev.
Eske sala keteiik, elimizde shilde aiynyń ortasynda eki aptaǵa sozylatyn karantin engizilgen bolatyn. 29 shildede Memleket basshysy Qasym-Jomart Toqaev epidemiologiialyq ahýaldy turaqtandyrý jóninde keńes ótkizip, karantin sharalaryn taǵy eki aptaǵa uzartýdy tapsyrǵan edi.
.jpg)