كەشە عانا قر پرەمەر-مينيسترٸ اسقار ماميننٸڭ تٶراعالىعىمەن ٶتكەن مەملەكەتتٸك كوميسسييا وتىرىسىندا قالىپتاسقان ەپيدەميولوگييالىق جاعدايدى ەسكەرە وتىرىپ, كارانتين شارالارىن كەزەڭ-كەزەڭٸمەن الىپ تاستاۋ جوسپارى بەكٸتٸلگەن ەدٸ.
جيىن بارىسىندا ەلٸمٸزدەگٸ سانيتارلىق-ەپيدەميولوگييالىق جاعداي, شەكتەۋ شارالارىن جەڭٸلدەتۋ جٶنٸندەگٸ ۇسىنىستار, ٶڭٸرلەر مەن كەسٸپكەرلٸك سۋبەكتٸلەرٸنٸڭ قىزمەتتٸ قايتا باستاۋعا دايىندىعى تۋرالى دەنساۋلىق ساقتاۋ مينيسترٸ مەن بٸرقاتار وبلىس باسشىلارى, سونداي-اق «اتامەكەن» ۇكپ باسقارما تٶراعاسى بايانداما جاساعان بولاتىن.
قازاقستاندا كارانتين شارالارى كٷشٸنە ەنگٸزٸلگەن كەزەڭدە ەپيدەميولوگييالىق احۋال تۇراقتاندىرىلىپ, مەديتسينالىق ۇيىمداردىڭ جٷكتەمەسٸ ايتارلىقتاي تٶمەندەگەن. ۆيرۋستى جۇقتىرۋدىڭ تەۋلٸكتٸك ٶسٸمٸ 4%-دان 0,5%-عا دەيٸن ازايcا, ساۋىعىپ شىققان ادامدار سانى 76%-عا جەتٸپ, رەپرودۋكتيۆتٸلٸكتٸڭ ورتاشا كٶرسەتكٸشٸ 0,78-گە دەيٸن تٶمەندەگەن.
وسى ورايدا, ۇلت پورتالى شەكتەۋ شارالارىن جەڭٸلدەتۋگە بايلانىستى ٶنەر ادامدارىنىڭ وي-پٸكٸرٸن بٸلگەن ەدٸ.
«ەلەمدٸ الاڭداتىپ, ەل باسىنا تٶنگەن قاۋٸپ ەلٸ دە سەيٸلمەي تۇر. ٸندەت تالاي جاندى جالمادى, ەشكٸمدٸ ايامادى.
"تەرتٸپكە باعىنعان قۇل بولمايدى", - دەيدٸ قازاق. بۇل كەزەڭنەن اۋىرتپالىقسىز شىعۋدىڭ جولى - ەرينە, ساقتىق شارالارىن قاتاڭ ساقتاۋ, بەتپەردە كييۋ ھەم كٶپشٸلٸكتٸڭ باسى قوسىلاتىن جيىن-تويلارعا بارۋدان باس تارتۋ. ەل-جۇرتقا قايعى مەن قاتار اۋىرتپاشىلىعىن ەكەلگەن بۇل اۋمالى-تٶكپەلٸ زامان دا ٶتەر. باستىسى, ۋايىم-قورقىنىشقا بوي الدىرماي, جاقسى كٷندەردەن ٷمٸتتٸ بولايىق!" - دەيدٸ جٷسٸپبەك ايماۋىتوۆ اتىنداعى وبلىستىق قازاق دراما تەاترىنىڭ ەرتٸسٸ, مەدەنيەت سالاسىنىڭ ٷزدٸگٸ نۇرجان سارقامباەۆ.
ەسكە سالا كەتەيٸك, ەلٸمٸزدە شٸلدە ايىنىڭ ورتاسىندا ەكٸ اپتاعا سوزىلاتىن كارانتين ەنگٸزٸلگەن بولاتىن. 29 شٸلدەدە مەملەكەت باسشىسى قاسىم-جومارت توقاەۆ ەپيدەميولوگييالىق احۋالدى تۇراقتاندىرۋ جٶنٸندە كەڭەس ٶتكٸزٸپ, كارانتين شارالارىن تاعى ەكٸ اپتاعا ۇزارتۋدى تاپسىرعان ەدٸ.
.jpg)