Búkilálemdik bank Qazaqstanda quny 1 mlrd AQSh dollary bolatyn eki aýqymdy jobany qolǵa almaq, dep habarlaidy "Ult aqparat".
«Biz qalpyna kelý kezeńinde Qazaqstanǵa kómek beretin eki jobany daiyndap jatyrmyz. Birinshisi, quny 500 mln AQSh dollary bolatyn joba - mal sharýashylyǵyn qalpyna keltirýge kómektesedi. Malmen ainalysatyn usaq sharýalardy qoldaýǵa baǵyttalǵan. Úkimet mal sharýashylyǵy fermerlerin qoldaýǵa baǵyttalǵan baǵdarlama qura alady. Bul joba Qazaqstandaǵy azyq-túlik qaýipsizdigi úshin asa mańyzdy», - dedi Búkilálemdik banktiń Ortalyq Aziia boiynsha óńirlik direktory Liliia Býrýnchýk.
Onyń aitýynsha, budan bólek taǵy tsifrlyq damý jáne jasandy intellektini damytý boiynsha joba qolǵa alynyp jatyr. Búginde onyń quny shamamen 500 mln AQSh dollary.
Banktiń Ortalyq Aziia boiynsha jetekshi ekonomisi Ivailo Izvorskidiń aitýynsha, Ortalyq Aziiadaǵy ekonomikalyq ahýal álemdegi ekonomikalyq jaǵdaiǵa tikelei bailanysty.
«Munai baǵasy óte tómen deńgeide. Álemde munaiǵa suranys usynystan góri azaidy. Munai baǵasy 2-3 jyl boiy biz kútken baǵadan tómen turýy múmkin», - dedi I.Izvorski.
