19 qańtarda jarym túnnen keiin, iaǵni saǵat 00:00-den bastap, Nur-Sultan jáne Almaty qalalarynda, sonymen qatar Almaty, Atyraý, Jambyl, Qyzylorda, Mańǵystaý oblystarynda tótenshe jaǵdaidyń kúshi joiylady. Bul týraly QR Prezidentiniń baspasóz hatshysy Berik Ýáli jelidegi paraqshasynda jazdy.
«Buǵan deiin Prezidenttiń Jarlyqtaryna sáikes, ózge óńirlerde tótenshe jaǵdai merziminen buryn toqtatylǵan bolatyn.
Osylaisha, búkil el aýmaǵy qalypty ómirge oralady. Tótenshe jaǵdai kezindegi qoǵamdyq tártipti qorǵaýdy kúsheitý jáne erkin júrip-turýǵa, eldi mekenderge kirýge jáne shyǵýǵa, t.b. qosymsha engizilgen shekteý sharalary da joiylady.
Halyqtyń birligi men tutastyǵynyń, quqyq qorǵaý organdary men áskerilerdiń jankeshti is-qimyldarynyń arqasynda Qazaqstannyń barlyq aýmaǵynda tártip pen tynyshtyq qalpyna keltirildi. Elimizde árqashan beibitshilik pen igilik bolsyn!», - dep jazdy ol.
