19 قاڭتاردا جارىم تٷننەن كەيٸن, ياعني ساعات 00:00-دەن باستاپ, نۇر-سۇلتان جەنە الماتى قالالارىندا, سونىمەن قاتار الماتى, اتىراۋ, جامبىل, قىزىلوردا, ماڭعىستاۋ وبلىستارىندا تٶتەنشە جاعدايدىڭ كٷشٸ جويىلادى. بۇل تۋرالى قر پرەزيدەنتٸنٸڭ باسپاسٶز حاتشىسى بەرٸك ۋەلي جەلٸدەگٸ پاراقشاسىندا جازدى.
«بۇعان دەيٸن پرەزيدەنتتٸڭ جارلىقتارىنا سەيكەس, ٶزگە ٶڭٸرلەردە تٶتەنشە جاعداي مەرزٸمٸنەن بۇرىن توقتاتىلعان بولاتىن.
وسىلايشا, بٷكٸل ەل اۋماعى قالىپتى ٶمٸرگە ورالادى. تٶتەنشە جاعداي كەزٸندەگٸ قوعامدىق تەرتٸپتٸ قورعاۋدى كٷشەيتۋ جەنە ەركٸن جٷرٸپ-تۇرۋعا, ەلدٸ مەكەندەرگە كٸرۋگە جەنە شىعۋعا, ت.ب. قوسىمشا ەنگٸزٸلگەن شەكتەۋ شارالارى دا جويىلادى.
حالىقتىڭ بٸرلٸگٸ مەن تۇتاستىعىنىڭ, قۇقىق قورعاۋ ورگاندارى مەن ەسكەريلەردٸڭ جانكەشتٸ ٸس-قيمىلدارىنىڭ ارقاسىندا قازاقستاننىڭ بارلىق اۋماعىندا تەرتٸپ پەن تىنىشتىق قالپىنا كەلتٸرٸلدٸ. ەلٸمٸزدە ەرقاشان بەيبٸتشٸلٸك پەن يگٸلٸك بولسىن!», - دەپ جازدى ول.
