Búgingi sailaý Prezidentimizdiń áleýmettik-ekonomikalyq bastamalaryn tabysty júzege asyrýǵa jáne Qazaqstannyń ósip-órkendeýine tyń serpin beredi. Mundai pikirdi QR Parlamenti Senatynyń Tóraǵasy Máýlen Áshimbaev bildirdi, dep habarlaidy "Ult aqparat".
«Búgin el damýyndaǵy mańyzdy kúnderdiń biri. Ásirese, qazirgidei kúrdeli kezeńde bul sailaýdyń burynǵylardan jóni bólek. Memleket basshysynyń bastamasymen qolǵa alynǵan birqatar saiasi reformalardyń alǵash ret osy naýqanda iske asyrylyp jatqanyn da jaqsy bilemiz. Sonyń ishinde partiialyq tizimderge áielder men jastarǵa arnaiy 30 paiyzdyq kvotanyń engizilýin, parlamenttik oppozitsiia institýtynyń zańmen bekitilýin jáne saiasi partiialardy tirkeý tártibiniń jeńildetilýin erekshe atap ótýge bolady», - dep jazdy ol Facebook-paraqshasynda.
Sonymen qatar Senat spikeri búgingi sailaý Prezidentimizdiń áleýmettik-ekonomikalyq bastamalaryn tabysty júzege asyrýǵa jáne Qazaqstannyń ósip-órkendeýine tyń serpin beredi dep senetindigin basa aitady.
«Ol úshin azamattarymyz daýys berýde belsendilik tanytýy qajet. Men de búgin sailaý ýchaskesine baryp, óz tańdaýymdy jasadym. Daýys berý – árqaisymyzdyń azamattyq quqyǵymyz jáne boryshymyz. Bul – ár azamat úshin memlekettiń damýyna yqpal etetin múmkindik. Sol sebepti, elimizdegi barsha sailaýshylardy osy múmkindikti jibermei, saiasi naýqannan qalys qalmaýǵa shaqyramyn», - dedi Máýlen Áshimbaev.
.jpeg)