Búgin sailaýǵa túsip jatqan úmitkerler sailaýaldy baǵdarlamalaryn daiyndaý arqyly jergilikti problemalardyń sebebine úńilip, halyqtyń jaǵdaiymen etene tanysty.
«Partiialyq emes baiqaý ortalyǵy» respýblikalyq qoǵamdyq birlestiniń Qostanai oblystyq filialynyń óńirlik kapitany, «El erteńi» jastar qoǵamdyq birlestiginiń tóraǵasy Bolat Qaliev osy jaittyń ózin ákim sailaýynyń jaǵymdy tusy dep esepteidi. Bul týraly QazAqparat agenttigi jazady.
«Bul sailaý – elimizdiń demokratiialyq damý turǵysynan qaraǵanda óte mańyzdy qadam. Óitkeni bul jerde úsh mańyzdy baǵyt bar. Birinshi mańyzdylyǵy – ákimder sailaý aldyndaǵy baǵdarlamasy arqyly halyqqa bir taban jaqyndady. Halyqtyń múddesin qorǵaý baǵytynda búkil problemalardy zerttep, sonyń negizinde ózderiniń baǵdarlamalaryn qurdy», - deidi sarapshy.
Beitarap baqylaýshylar ókili ótip jatqan sailaýdyń arqasynda halyq óz daýsynyń, sailaý protsesiniń mańyzdylyǵyn taǵy bir ret uǵynýǵa múmkindik aldy dep otyr.
«Úshinshi mańyzdylyǵy baiqaýshylarmen bailanysty. Azamattyq turǵydan belsendi baiqaýshylarymyz jai ǵana baiqaý protsesine qatysyp qoimai, ózderiniń kásibi sheberlikterin shyńdap, zańnama turǵysynan ózderin damytýda. Sondyqtan bul sailaý protsesi elimiz úshin óte mańyzdy. Búgingi sailaý protsesine 65 sailaý okrýginde «Partiialyq emes baiqaý ortalyǵynyń» Qostanai oblystyq filianynan 400-ge jýyq baiqaýshy qatysyp jatyr. Osy ortalyq atynan sailaýdyń ádil ári ashyq ótýine óz úlesimizdi qosyp jatyrmyz», - dedi Bolat Qaliev.
