بٷگٸن سايلاۋعا تٷسٸپ جاتقان ٷمٸتكەرلەر سايلاۋالدى باعدارلامالارىن دايىنداۋ ارقىلى جەرگٸلٸكتٸ پروبلەمالاردىڭ سەبەبٸنە ٷڭٸلٸپ, حالىقتىڭ جاعدايىمەن ەتەنە تانىستى.
«پارتييالىق ەمەس بايقاۋ ورتالىعى» رەسپۋبليكالىق قوعامدىق بٸرلەستٸنٸڭ قوستاناي وبلىستىق فيليالىنىڭ ٶڭٸرلٸك كاپيتانى, «ەل ەرتەڭٸ» جاستار قوعامدىق بٸرلەستٸگٸنٸڭ تٶراعاسى بولات قاليەۆ وسى جايتتىڭ ٶزٸن ەكٸم سايلاۋىنىڭ جاعىمدى تۇسى دەپ ەسەپتەيدٸ. بۇل تۋرالى قازاقپارات اگەنتتٸگٸ جازادى.
«بۇل سايلاۋ – ەلٸمٸزدٸڭ دەموكراتييالىق دامۋ تۇرعىسىنان قاراعاندا ٶتە ماڭىزدى قادام. ٶيتكەنٸ بۇل جەردە ٷش ماڭىزدى باعىت بار. بٸرٸنشٸ ماڭىزدىلىعى – ەكٸمدەر سايلاۋ الدىنداعى باعدارلاماسى ارقىلى حالىققا بٸر تابان جاقىندادى. حالىقتىڭ مٷددەسٸن قورعاۋ باعىتىندا بٷكٸل پروبلەمالاردى زەرتتەپ, سونىڭ نەگٸزٸندە ٶزدەرٸنٸڭ باعدارلامالارىن قۇردى», - دەيدٸ ساراپشى.
بەيتاراپ باقىلاۋشىلار ٶكٸلٸ ٶتٸپ جاتقان سايلاۋدىڭ ارقاسىندا حالىق ٶز داۋسىنىڭ, سايلاۋ پروتسەسٸنٸڭ ماڭىزدىلىعىن تاعى بٸر رەت ۇعىنۋعا مٷمكٸندٸك الدى دەپ وتىر.
«ٷشٸنشٸ ماڭىزدىلىعى بايقاۋشىلارمەن بايلانىستى. ازاماتتىق تۇرعىدان بەلسەندٸ بايقاۋشىلارىمىز جاي عانا بايقاۋ پروتسەسٸنە قاتىسىپ قويماي, ٶزدەرٸنٸڭ كەسٸبي شەبەرلٸكتەرٸن شىڭداپ, زاڭناما تۇرعىسىنان ٶزدەرٸن دامىتۋدا. سوندىقتان بۇل سايلاۋ پروتسەسٸ ەلٸمٸز ٷشٸن ٶتە ماڭىزدى. بٷگٸنگٸ سايلاۋ پروتسەسٸنە 65 سايلاۋ وكرۋگٸندە «پارتييالىق ەمەس بايقاۋ ورتالىعىنىڭ» قوستاناي وبلىستىق فيليانىنان 400-گە جۋىق بايقاۋشى قاتىسىپ جاتىر. وسى ورتالىق اتىنان سايلاۋدىڭ ەدٸل ەرٸ اشىق ٶتۋٸنە ٶز ٷلەسٸمٸزدٸ قوسىپ جاتىرمىز», - دەدٸ بولات قاليەۆ.
