Memleket basshysy Qasym-Jomart Toqaev búgin, 1 qańtarda qazaqtyń kúmis kómei ánshisi Roza Baǵlanovanyń týǵanyna 100 jyl tolýyna orai Twitter-degi paraqshasynda jazba qaldyrdy, - dep habarlaidy "Ult aqparat".
"Búgin qazaqtyń kúmis kómei, bulbul ánshisi Roza Baǵlanovanyń týǵanyna 100 jyl toldy. Ol KSRO halyq ártisi, sondai-aq Qazaqstannyń "Halyq Qaharmany" ataǵyna da ie boldy", - dep jazdy Toqaev Twitter-paraqshasynda.
Roza Baǵlanova Qyzylorda pedagogikalyq institýtynda bilim alǵan. 1941 jyly oǵan Máskeý konservatoriiasyna joldama berildi, biraq soǵys bastalyp, ol Ózbek KSR-niń memlekettik áielder án-bi ansamblimen birge maidanǵa attandy. Uly Otan soǵysy jyldarynda ánshiniń shyǵarmashylyq joly bastaldy.
