Búgin – Qazaqstan politsiiasy kúni, dep habarlaidy "Ult aqparat".
1992 jyly 23 maýsymda Qazaqstan Respýblikasy Joǵarǵy Keńesi «Qazaqstan Respýblikasy ishki ister organdary týraly» Zańdy qabyldaǵan bolatyn.
Bul Táýelsiz Qazaqstan Respýblikasy politsiiasynyń qyzmeti men mindetin anyqtaityn alǵashqy quqyqtyq akt boldy.
Al 2007 jyly 5 maýsym kúni Memleket basshysy Nursultan Nazarbaev óz Jarlyǵymen 23 maýsymdy Politsiia kúni dep bekitti.
Qazaqstan politsiiasy – qoǵamdaǵy quqyqtyq tártipti, azamattardyń qaýipsizdigin qamtamasyz etetin elimizdegi asa mańyzdy qurylymdardyń biri.
Politseilerdiń kásibi biliktiligi men sertine beriktiginiń arqasynda qoǵamda turaqtylyq qalyptasyp, adamdardyń quqyq qorǵaý organdaryna senimi arta beredi.
Qazaqstan politsiiasy kúni - osy jaýapty qyzmetti jolǵa qoiýdyń basy-qasynda bolǵan ardagerlerge jáne búginde osy qatarda eńbek etip júrgenderge rizashylyq pen alǵys sezimin bildirý kúni.
Sonymen qatar bul kún beibit ýaqytta qazaqstandyqtardyń tynyshtyǵy men qaýipsizdigi úshin óz ómirin qurban etkenderge qurmet kórsetý kúni sanalady.
Osyǵan orai jyl saiyn 23 maýsymda beibit kúnde qazaqstandyqtardyń tynyshtyǵy men qaýipsizdigin qamtamasyz etetin politseiler kúni atap ótiledi.
