بٷگٸن – قازاقستان پوليتسيياسى كٷنٸ, دەپ حابارلايدى "ۇلت اقپارات".
1992 جىلى 23 ماۋسىمدا قازاقستان رەسپۋبليكاسى جوعارعى كەڭەسٸ «قازاقستان رەسپۋبليكاسى ٸشكٸ ٸستەر ورگاندارى تۋرالى» زاڭدى قابىلداعان بولاتىن.
بۇل تەۋەلسٸز قازاقستان رەسپۋبليكاسى پوليتسيياسىنىڭ قىزمەتٸ مەن مٸندەتٸن انىقتايتىن العاشقى قۇقىقتىق اكت بولدى.
ال 2007 جىلى 5 ماۋسىم كٷنٸ مەملەكەت باسشىسى نۇرسۇلتان نازارباەۆ ٶز جارلىعىمەن 23 ماۋسىمدى پوليتسييا كٷنٸ دەپ بەكٸتتٸ.
قازاقستان پوليتسيياسى – قوعامداعى قۇقىقتىق تەرتٸپتٸ, ازاماتتاردىڭ قاۋٸپسٸزدٸگٸن قامتاماسىز ەتەتٸن ەلٸمٸزدەگٸ اسا ماڭىزدى قۇرىلىمداردىڭ بٸرٸ.
پوليتسەيلەردٸڭ كەسٸبي بٸلٸكتٸلٸگٸ مەن سەرتٸنە بەرٸكتٸگٸنٸڭ ارقاسىندا قوعامدا تۇراقتىلىق قالىپتاسىپ, ادامداردىڭ قۇقىق قورعاۋ ورگاندارىنا سەنٸمٸ ارتا بەرەدٸ.
قازاقستان پوليتسيياسى كٷنٸ - وسى جاۋاپتى قىزمەتتٸ جولعا قويۋدىڭ باسى-قاسىندا بولعان ارداگەرلەرگە جەنە بٷگٸندە وسى قاتاردا ەڭبەك ەتٸپ جٷرگەندەرگە ريزاشىلىق پەن العىس سەزٸمٸن بٸلدٸرۋ كٷنٸ.
سونىمەن قاتار بۇل كٷن بەيبٸت ۋاقىتتا قازاقستاندىقتاردىڭ تىنىشتىعى مەن قاۋٸپسٸزدٸگٸ ٷشٸن ٶز ٶمٸرٸن قۇربان ەتكەندەرگە قۇرمەت كٶرسەتۋ كٷنٸ سانالادى.
وسىعان وراي جىل سايىن 23 ماۋسىمدا بەيبٸت كٷندە قازاقستاندىقتاردىڭ تىنىشتىعى مەن قاۋٸپسٸزدٸگٸن قامتاماسىز ەتەتٸن پوليتسەيلەر كٷنٸ اتاپ ٶتٸلەدٸ.
