Qaraǵandy oblysynda eki bala terezeden qulady. Bir balanyń jaǵdaiy aýyr, dep habarlaidy "Ult aqparat".
29 sáýirde Sátbaev qalasynda 2013 jyly týǵan bala 5-qabattaǵy páterdiń terezesinen qulap kett. Qazirgi ýaqytta balanyń jaǵdaiy aýyr.
Dál osyndai jaǵdai búgin Balqashta da boldy. Onda 2-shi qabattaǵy páterdiń terezesinen 3 jasar bala qulap tústi. Bala meditsinalyq mekemege jatqyzyldy.
TJD qyzmetkerleri ata-analarǵa qaýipsizdik sharalary týraly eskertedi, óitkeni jaz mezgilinde osyndai jazataiym oqiǵalar jiilep ketedi. Balalardyń jaraqattanýy men óliminiń negizgi sebebi eresekter tarapynan tiisinshe qadaǵalanbaýy bolyp tabylady.
«Ata-analardy kishkentai balalardy qadaǵalaýdy kúsheitýge, olardy terezeleri ashyq bólmelerde jalǵyz qaldyrmaýǵa shaqyramyz. Bala terezege kóterile almaityndai etip jihazdyń barlyq túrlerin terezeden alystatyńyzdar. Moskit torlaryna senbeńizder! Olar qulaýdan qorǵaýǵa arnalmaǵan. Balanyń terezeni birneshe santimetrden artyq ashýyna jol bermeitin arnaiy qysqyshtardy qoiyńyzdar. Terezelerdiń qaýiptiligi týraly balalarmen sóilesińizder. Múmkinshilik bolsa arnaiy qurylǵylar ornatqan jón. Terezeniń tutqalaryn alyp tastap, tek qajett kezde ǵana paidalanyńyzdar», - deidi qutqarýshylar.
