قاراعاندى وبلىسىندا ەكٸ بالا تەرەزەدەن قۇلادى. بٸر بالانىڭ جاعدايى اۋىر, دەپ حابارلايدى "ۇلت اقپارات".
29 سەۋٸردە سەتباەۆ قالاسىندا 2013 جىلى تۋعان بالا 5-قاباتتاعى پەتەردٸڭ تەرەزەسٸنەن قۇلاپ كەتت. قازٸرگٸ ۋاقىتتا بالانىڭ جاعدايى اۋىر.
دەل وسىنداي جاعداي بٷگٸن بالقاشتا دا بولدى. وندا 2-شٸ قاباتتاعى پەتەردٸڭ تەرەزەسٸنەن 3 جاسار بالا قۇلاپ تٷستٸ. بالا مەديتسينالىق مەكەمەگە جاتقىزىلدى.
تجد قىزمەتكەرلەرٸ اتا-انالارعا قاۋٸپسٸزدٸك شارالارى تۋرالى ەسكەرتەدٸ, ٶيتكەنٸ جاز مەزگٸلٸندە وسىنداي جازاتايىم وقيعالار جيٸلەپ كەتەدٸ. بالالاردىڭ جاراقاتتانۋى مەن ٶلٸمٸنٸڭ نەگٸزگٸ سەبەبٸ ەرەسەكتەر تاراپىنان تيٸسٸنشە قاداعالانباۋى بولىپ تابىلادى.
«اتا-انالاردى كٸشكەنتاي بالالاردى قاداعالاۋدى كٷشەيتۋگە, ولاردى تەرەزەلەرٸ اشىق بٶلمەلەردە جالعىز قالدىرماۋعا شاقىرامىز. بالا تەرەزەگە كٶتەرٸلە المايتىنداي ەتٸپ جيھازدىڭ بارلىق تٷرلەرٸن تەرەزەدەن الىستاتىڭىزدار. موسكيت تورلارىنا سەنبەڭٸزدەر! ولار قۇلاۋدان قورعاۋعا ارنالماعان. بالانىڭ تەرەزەنٸ بٸرنەشە سانتيمەتردەن ارتىق اشۋىنا جول بەرمەيتٸن ارنايى قىسقىشتاردى قويىڭىزدار. تەرەزەلەردٸڭ قاۋٸپتٸلٸگٸ تۋرالى بالالارمەن سٶيلەسٸڭٸزدەر. مٷمكٸنشٸلٸك بولسا ارنايى قۇرىلعىلار ورناتقان جٶن. تەرەزەنٸڭ تۇتقالارىن الىپ تاستاپ, تەك قاجەتت كەزدە عانا پايدالانىڭىزدار», - دەيدٸ قۇتقارۋشىلار.
