14 aqpanda Beijińdegi Qysqy Olimpiada oiyndarynda tórt júlde jiyntyǵy oinatylady, dep habarlaidy QazAqparat.
Qazaqstandyq sportshylar Aqmarjan Qalmurzaeva men Janbota Aldabergenova shańǵy akrobatikasynda fristaildan medal úshin baq synaidy. Fristaildan jarys ótetin Genting qarly saiabaǵynda (QHR, Hebei provintsiiasy) jeksenbi kúni qar kóp jaýǵandyqtan jarys 14 aqpanǵa aýystyryldy. Fristail-akrobatikadan eki jiktik irikteý men eki aqtyq syn ótedi. Jarysqa 25 sportshy qatysady. Qazaqstan quramasynan Aqmarjan Qalmurzaeva men Janbota Aldabergenova el namysyn qorǵaidy.
Chjantsziakoýda «sloýpstaildan» fristailshylar kvalifikatsiiasy ótedi. Munda úlken tramplinnen shańǵymen sekirýden komandalyq erler jarysynyń jeńimpazy anyqtalady.
Iantsin Ulttyq shana-bobslein ortalyǵynda monobobtan alǵashqy Olimpiada chempiony anyqtalady. Bul Beijińdegi 2022-Qysqy olimpiada oiyndaryndaǵy jańa distsiplinalardyń biri. Amerikalyq Keili Hamfris kósh bastap keledi.
Dúisenbi kúni mánerlep syrǵanaý jarysynda «muzda bileýden» Frantsiia (Gabriella Papadakis pen Giiom Sizeron), Resei (Viktoriia Sinitsina men Nikita Katsalapov) jáne AQSh (Medison Habbel men Zakari Donhiý) bi dýetteri «altynǵa» talasady. Dúisenbide áielder hokkei týrnirinde jartylai final ótedi.
