14 اقپاندا بەيجٸڭدەگٸ قىسقى وليمپيادا ويىندارىندا تٶرت جٷلدە جيىنتىعى ويناتىلادى, دەپ حابارلايدى قازاقپارات.
قازاقستاندىق سپورتشىلار اقمارجان قالمۇرزاەۆا مەن جانبوتا الدابەرگەنوۆا شاڭعى اكروباتيكاسىندا فريستايلدان مەدال ٷشٸن باق سىنايدى. فريستايلدان جارىس ٶتەتٸن Genting قارلى ساياباعىندا (قحر, حەبەي پروۆينتسيياسى) جەكسەنبٸ كٷنٸ قار كٶپ جاۋعاندىقتان جارىس 14 اقپانعا اۋىستىرىلدى. فريستايل-اكروباتيكادان ەكٸ جٸكتٸك ٸرٸكتەۋ مەن ەكٸ اقتىق سىن ٶتەدٸ. جارىسقا 25 سپورتشى قاتىسادى. قازاقستان قۇراماسىنان اقمارجان قالمۇرزاەۆا مەن جانبوتا الدابەرگەنوۆا ەل نامىسىن قورعايدى.
چجانتسزياكوۋدا «سلوۋپستايلدان» فريستايلشىلار كۆاليفيكاتسيياسى ٶتەدٸ. مۇندا ٷلكەن ترامپليننەن شاڭعىمەن سەكٸرۋدەن كوماندالىق ەرلەر جارىسىنىڭ جەڭٸمپازى انىقتالادى.
يانتسين ۇلتتىق شانا-بوبسلەين ورتالىعىندا مونوبوبتان العاشقى وليمپيادا چەمپيونى انىقتالادى. بۇل بەيجٸڭدەگٸ 2022-قىسقى وليمپيادا ويىندارىنداعى جاڭا ديستسيپلينالاردىڭ بٸرٸ. امەريكالىق كەيلي حامفريس كٶش باستاپ كەلەدٸ.
دٷيسەنبٸ كٷنٸ مەنەرلەپ سىرعاناۋ جارىسىندا «مۇزدا بيلەۋدەن» فرانتسييا (گابريەللا پاپاداكيس پەن گييوم سيزەرون), رەسەي (ۆيكتورييا سينيتسينا مەن نيكيتا كاتسالاپوۆ) جەنە اقش (مەديسون حاببەل مەن زاكاري دونحيۋ) بي دۋەتتەرٸ «التىنعا» تالاسادى. دٷيسەنبٸدە ەيەلدەر حوككەي تۋرنيرٸندە جارتىلاي فينال ٶتەدٸ.
