Atyraý qalasynda dárigerler 49 jastaǵy áieldiń COVID-19 infektsiiasyn qaidan juqtyrýy múmkin ekenin aitty, dep habarlaidy "Ult aqparat".
Oblystyq densaýlyq saqtaý basqarmasy baspasóz qyzmetiniń málimetinshe, búgin koronavirýs tabylǵan 49 jastaǵy áiel 21 naýryzda Almaty – Atyraý reisimen ushyp kelgen.
Budan buryn osy reispen ushyp kelgen 19 jastaǵy stýdent koronavirýs infektsiiasymen aýrýhanaǵa jatqyzylǵan bolatyn. Atalǵan áieldiń aýrýy jas jigitpen bailanysta bolǵan tulǵalardy testileý barysynda anyqtaldy.
Bul reistiń barlyq jolaýshysy anyqtalyp, oqshaýlandy. Olar koronavirýsqa test jasap jatyr.
Qazirgi ýaqytta elde 336 adam koronavirýs juqtyrǵan, onyń ishinde Atyraý oblysynda – 13 jaǵdai tirkeldi.
