Briýssel qalasynda syrahana, barlar qaita jabyldy. Qala biligi koronavirýs infektsiiasyna shaldyqqan turǵyndar sanyn osylaisha azaitpaq. Bul týraly Euronews habarlady.
Belgiianyń syra ázirleýshi uiymy bul mekemelerdiń «juqtyrý oshaqtary» ekenine naqty dálelder talap etken. Olar barlarda mindetti túrde dezinfektsiia júrgizilip, maska taǵý jáne adamdar arasyndaǵy araqashyqtyq saqtalyp otyrǵanyn atap ótti.
Sharl Lekleftiń ata-babalary syrany HIH ǵasyrdan bastap ázirlegen. Naýryz aiyndaǵy lokdaýn kezinde ol óndiristi shamamen 70 paiyzǵa shektegen, alaida memleket qoldaýynyń arqasynda birde bir qyzmetkerin qysqartpaǵan.
«Biz úshin eń bastysy – jumysqa jaýapkershilik. Bar ieleri, barmender de ortaq isimizge jaýapty qaraýy tiis. Eger kelýshiler talapty saqtamasa nemquraidy bolsa, olarǵa buny aitý kerek, sebebi ishtegilerge qaýipti», - deidi syra ázirleýshi.
Meditsinalyq qoǵam professory Gabriel Skalli Covid-19 taralýyna jol bermeý úshin barlardyń ishin jaqsy jeldetip otyrý qajet dep sanaidy.
«Bastapqyda biz bul virýstyń negizinen tamshy arqyly taralady dep oilaǵan edik. Biraq odan da kishkene bóligi dep qaýipti eken. Bul aerozol virýsty tasymaldaidy. Biz ony temeki tútini siiaqty dep qabyldaýymyz kerek. Eger bireý jabyq bólmede temeki shekse, onyń tútini barlyq jerge taralady ǵoi. Virýstyń taralýy da sondai, sondyqtan jeldetý máselesi óte mańyzdy», - dedi Gabriel Skalli.
Jazdyń aiaǵyna qarai aýyrǵan adamdar azaiǵan soń, Belgiiada barlardyń jumys rejimi jeńildetilgen, biraq olardyń ieleri ǵimaratty jeldetý jáne basqa da saqtyq sharalaryn kúsheitti. Alaida bul sharalar jinalyp, áńgime-dúken quryp, syra ishkisi keletinderdiń qaýipsizdigi úshin jetkiliksiz bolyp tur.
