27 naýryzdan bastap Belgiia biligi koronavirýspen kúres boiynsha karantin talaptaryn qaitadan kúsheitti. Mamandardyń pikirinshe, pandemiiadan shyǵýdyń bir joly halyqty vaktsinalaý bolýy kerek, dep habarlaidy QazAqparat.
Qazirgi ýaqytta Briýsselde COVID-19 virýsyna qarsy vaktsinanyń alǵashqy dozasyn 88 400 adam aldy. Bul Belgiia astanasynyń eresek turǵyndarynyń tek 9,4%-yn quraidy. Vaktsinalaý qarqyny boiynsha Briýssel Flandriia (12,6%) jáne Valloniia (13,2%) aimaqtarynan da artta keledi.
Sonymen qatar, Briýsselde qazirdiń ózinde meditsinalyq mekemeler jáne qarttar úiiniń 35 myńǵa jýyq qyzmetkerine vaktsina egildi. Alǵashqy inektsiiany politsiia men órt sóndirýshiler aldy, olar virýs juqtyrý qaýpi eń joǵary sala mamandaryn qorǵaý strategiiasy aiasynda egildi.
Qazir Briýssel turǵyndaryna vaktsina salýǵa 130 myń shaqyrtý jiberildi. Bul kezeńde meditsinalyq mekemelerdiń, politsiia qyzmetkerlerin, sondai-aq 67 jastan asqan barlyq adamdy vaktsinalaý jalǵasýda.
Senbide vaktsinalaý jónindegi maqsatty toptyń múshesi Sabina Storderdiń aitýynsha, kezeńdik vaktsinatsiianyń belgiialyq baǵdarlamasy josparlanǵandai alǵa jyljýda.
25 naýryzǵa deiin Belgiiaǵa koronavirýstyń jańa shtamyna qarsy vaktsinanyń 2 millionnan astam dozasy jetkizildi. Degenmen, barlyq jetkizýshi vaktsinany der ýaqytynda ákelip bere almaidy. Mysaly, «AstraZeneca» kompaniiasy Belgiiaǵa osy jyldyń birinshi toqsanynda ýáde etken dozalardyń tek 25-30% -yn jetkizdi.
Belgiiada farmatsevtikalyq kompaniialar jaqyn arada Eýropada qosymsha óndiris oryndaryn ashady dep úmittenedi, óitkeni Eýropalyq dári-dármek agenttigi (EMA) osy aptada osyndai kásiporyndardyń qurylysyna ruqsat berdi. «Pfizer» óndirýshisinde Germaniiada taǵy bir zaýyt, «AstraZeneca»-nyń Niderlandyda jáne «Moderna»-nyń Shveitsariiada zaýyty bolady.
