Ulybritaniia jurtshylyǵy Abai óleńderin oqýdan chellendjge qatysty. Saiasatkerler, ǵalymdar jáne shyǵarmashylyq intelligentsiia ókilderi qazaqtyń uly oishylynyń týyndylaryn aǵylshyn tilinde oqyp, áleýmettik jelide jariialady, dep habarlaidy "Ult aqparat".
Jobaǵa qatysýshylardyń qatarynda Ulybritaniia parlamenti bedeldi músheleriniń biri, konservator Bob Stiýart bar. Ol Abaidyń «Paida oilama, ar oila» óleńin oqydy. Chellendjdiń taǵy bir qatysýshysy Barni Krokett - Aberdin qalasynyń lord-meri. Ol uly aqynnyń túpsiz tereń filosofiiaǵa toly «Allanyń ózi de ras, sózi de ras» óleńinen úzindi keltirdi. Qazaqstannyń Ýelstegi Qurmetti konsýly jáne Ýelstiń konsýldyq qaýymdastyǵynyń múshesi, Britan-Qazaqstan qoǵamynyń múshesi Dýglas Taýnsend oqyrmandaryna «Kók tuman — aldyńdaǵy keler zaman» dep bastalatyn jyr joldaryn joldady.
«Integrative Media Ltd» kompaniiasynyń atqarýshy direktory Alan Spens Abai poeziiasyna arnalǵan chellendjge «Qys» atty óleńiniń bir shýmaǵyn oqyp berdi. Onyń paiymdaýynsha, allegoriialyq turǵyda óleń aqyn zamanynan bizdiń zamanymyzǵa deiingi ýaqytty meńzeidi. «Abai HIH-ǵasyrdaǵy taý men dala atynan búginde bastan keship jatqan barlyq aýyrtpalyqtar týraly syr shertedi: COVID daǵdarysy, ekonomikalyq haos, shýly jahandyq qarym-qatynas, biz birge meken etip jatqan planetany qorǵai almai otyrǵan saiasat. Jahandyq pandemiia kezinde ilmegine ilgen indetke - «qyspen birge tumsyǵyn salǵan qasqyrlarǵa» álem tótep bere alady. Biraq aldaǵy ýaqytta bolýy múmkin basqa da alapattarǵa daiyn bolýymyz mańyzdy. Biz Abaidyń bul eskertýine qulaq asýymyz kerek», dedi Alan Spens.
Ulybritaniia saiasi tulǵalarynyń, ǵylymi jáne shyǵarmashylyq intelligentsiiasy ókilderiniń paiymdaýynsha, Abai poeziiasy otandastary Shekspirdiń shyǵarmashylyǵymen para par - árdaiym ózekti jáne zor suranysqa ie.
Joba uiymdastyrýshylarynyń aitýynsha, chellendj - Abaidyń 175 jyldyǵyna orai Qazaqstannyń Ulybritaniiadaǵy elshiligi josparlaǵan birqatar sharanyń bir parasy. Jyl sońynda Abai shyǵarmalarynyń aǵylshyn tilindegi jańa jinaǵynyń tusaýkeseri Britan kitaphanasynda ótpek. Sonymen qatar, Abai ánderiniń kitaby tarihta tuńǵysh ret aǵylshyn tilinde jaryq kórmek. Budan bólek aitýly data qurmetine qazaqstandyq jáne britaniialyq oryndaýshylardyń onlain kontserti uiymdastyrylady.
«Abaidyń árbir óleńi adamzatqa degen, adam balasyna degen súiispenshilikti nasihattaidy. Sondyqtan Abaidyń óleńderin ózimiz ǵana oqyp qoimai, sonymen birge barsha álem halyqtarymen bólisýimiz kerek, dep oilaimyz. Osy arqyly biz Abaidy dáripteý, nasihattaý, Abaidyń murasymen bólisý isine kishkene ǵana úlesimizdi qosa alamyz dep úmittenemiz», dedi Qazaqstannyń Ulybritaniiadaǵy elshiliginiń hatshysy Kámshat Kúmisbai.
