ۇلىبريتانييا جۇرتشىلىعى اباي ٶلەڭدەرٸن وقۋدان چەللەندجگە قاتىستى. ساياساتكەرلەر, عالىمدار جەنە شىعارماشىلىق ينتەلليگەنتسييا ٶكٸلدەرٸ قازاقتىڭ ۇلى ويشىلىنىڭ تۋىندىلارىن اعىلشىن تٸلٸندە وقىپ, ەلەۋمەتتٸك جەلٸدە جارييالادى, دەپ حابارلايدى "ۇلت اقپارات".
جوباعا قاتىسۋشىلاردىڭ قاتارىندا ۇلىبريتانييا پارلامەنتٸ بەدەلدٸ مٷشەلەرٸنٸڭ بٸرٸ, كونسەرۆاتور بوب ستيۋارت بار. ول ابايدىڭ «پايدا ويلاما, ار ويلا» ٶلەڭٸن وقىدى. چەللەندجدٸڭ تاعى بٸر قاتىسۋشىسى بارني كروكەتت - ابەردين قالاسىنىڭ لورد-مەرٸ. ول ۇلى اقىننىڭ تٷپسٸز تەرەڭ فيلوسوفيياعا تولى «اللانىڭ ٶزٸ دە راس, سٶزٸ دە راس» ٶلەڭٸنەن ٷزٸندٸ كەلتٸردٸ. قازاقستاننىڭ ۋەلستەگٸ قۇرمەتتٸ كونسۋلى جەنە ۋەلستٸڭ كونسۋلدىق قاۋىمداستىعىنىڭ مٷشەسٸ, بريتان-قازاقستان قوعامىنىڭ مٷشەسٸ دۋگلاس تاۋنسەند وقىرماندارىنا «كٶك تۇمان — الدىڭداعى كەلەر زامان» دەپ باستالاتىن جىر جولدارىن جولدادى.
«Integrative Media Ltd» كومپانيياسىنىڭ اتقارۋشى ديرەكتورى الان سپەنس اباي پوەزيياسىنا ارنالعان چەللەندجگە «قىس» اتتى ٶلەڭٸنٸڭ بٸر شۋماعىن وقىپ بەردٸ. ونىڭ پايىمداۋىنشا, اللەگورييالىق تۇرعىدا ٶلەڭ اقىن زامانىنان بٸزدٸڭ زامانىمىزعا دەيٸنگٸ ۋاقىتتى مەڭزەيدٸ. «اباي حٸح-عاسىرداعى تاۋ مەن دالا اتىنان بٷگٸندە باستان كەشٸپ جاتقان بارلىق اۋىرتپالىقتار تۋرالى سىر شەرتەدٸ: COVID داعدارىسى, ەكونوميكالىق حاوس, شۋلى جاھاندىق قارىم-قاتىناس, بٸز بٸرگە مەكەن ەتٸپ جاتقان پلانەتانى قورعاي الماي وتىرعان ساياسات. جاھاندىق پاندەمييا كەزٸندە ٸلمەگٸنە ٸلگەن ٸندەتكە - «قىسپەن بٸرگە تۇمسىعىن سالعان قاسقىرلارعا» ەلەم تٶتەپ بەرە الادى. بٸراق الداعى ۋاقىتتا بولۋى مٷمكٸن باسقا دا الاپاتتارعا دايىن بولۋىمىز ماڭىزدى. بٸز ابايدىڭ بۇل ەسكەرتۋٸنە قۇلاق اسۋىمىز كەرەك», دەدٸ الان سپەنس.
ۇلىبريتانييا ساياسي تۇلعالارىنىڭ, عىلىمي جەنە شىعارماشىلىق ينتەلليگەنتسيياسى ٶكٸلدەرٸنٸڭ پايىمداۋىنشا, اباي پوەزيياسى وتانداستارى شەكسپيردٸڭ شىعارماشىلىعىمەن پارا پار - ەردايىم ٶزەكتٸ جەنە زور سۇرانىسقا يە.
جوبا ۇيىمداستىرۋشىلارىنىڭ ايتۋىنشا, چەللەندج - ابايدىڭ 175 جىلدىعىنا وراي قازاقستاننىڭ ۇلىبريتانيياداعى ەلشٸلٸگٸ جوسپارلاعان بٸرقاتار شارانىڭ بٸر پاراسى. جىل سوڭىندا اباي شىعارمالارىنىڭ اعىلشىن تٸلٸندەگٸ جاڭا جيناعىنىڭ تۇساۋكەسەرٸ بريتان كٸتاپحاناسىندا ٶتپەك. سونىمەن قاتار, اباي ەندەرٸنٸڭ كٸتابى تاريحتا تۇڭعىش رەت اعىلشىن تٸلٸندە جارىق كٶرمەك. بۇدان بٶلەك ايتۋلى داتا قۇرمەتٸنە قازاقستاندىق جەنە بريتانييالىق ورىنداۋشىلاردىڭ ونلاين كونتسەرتٸ ۇيىمداستىرىلادى.
«ابايدىڭ ەربٸر ٶلەڭٸ ادامزاتقا دەگەن, ادام بالاسىنا دەگەن سٷيٸسپەنشٸلٸكتٸ ناسيحاتتايدى. سوندىقتان ابايدىڭ ٶلەڭدەرٸن ٶزٸمٸز عانا وقىپ قويماي, سونىمەن بٸرگە بارشا ەلەم حالىقتارىمەن بٶلٸسۋٸمٸز كەرەك, دەپ ويلايمىز. وسى ارقىلى بٸز ابايدى دەرٸپتەۋ, ناسيحاتتاۋ, ابايدىڭ مۇراسىمەن بٶلٸسۋ ٸسٸنە كٸشكەنە عانا ٷلەسٸمٸزدٸ قوسا الامىز دەپ ٷمٸتتەنەمٸز», دەدٸ قازاقستاننىڭ ۇلىبريتانيياداعى ەلشٸلٸگٸنٸڭ حاتشىسى كەمشات كٷمٸسباي.
