Britaniia politsiiasy Esseks graftyǵynda júk kóliginen tabylǵan 39 múrdeniń jeke tulǵasyn anyqtap jatyr, dep habarlaidy BBC.
Politsiia júk kóliginiń 25 jastaǵy júrgizýshisinen jaýap alýda. Jigittiń aty - Mo Robinson, Soltústik Irlandiiadaǵy Portadaýnda týǵan.
Avtotasymaldaýshylar qaýymdastyǵynyń atqarýshy direktory Richard Bernettiń aitýynsha, júk kóligi - refrijeratorlyq agregat, alyp muzdatqyshtyń ishindegi aýa temperatýrasyn -25 ° S-qa deiin tómendetýge bolady.
Bernett bul asa qorqynyshty jaǵdai ekenin aitqan.
Esseks politsiiasy bastyǵynyń orynbasary Pippa Mills uzaqqa sozylsa da, múrdelerdiń tulǵasyn anyqtaýdyń mańyzy zor ekendigin jetkizdi.
Politsiia ustalǵan er adamǵa tiesili eki úidi tintip shyqty.
Qylmysqa qarsy kúres ulttyq agenttigi isti tergeýge qolǵabys etip otyrǵanyn málimdedi.
Bolgariia Syrtqy ister ministrliginiń ókili júk kóliginiń Bolgariiadaǵy Irlandiia azamatyna tiesili kompaniianyń atyna tirkelgenin aitty. Ministrlik ókiliniń sózi múrdelerdiń Bolgariia azamattary emes degenge saiady.
Eske sala keteiik, keshe Esseks graftyǵynyń Tarrok qalasynda konteinerlik júk kóliginen 39 adamnyń denesi tabylǵanyn habarlaǵan edik. Olardyń 38-i – eresek, bireýi jasóspirimniń múrdesi.
