بريتانييا پوليتسيياسى ەسسەكس گرافتىعىندا جٷك كٶلٸگٸنەن تابىلعان 39 مٷردەنٸڭ جەكە تۇلعاسىن انىقتاپ جاتىر, دەپ حابارلايدى BBC.
پوليتسييا جٷك كٶلٸگٸنٸڭ 25 جاستاعى جٷرگٸزۋشٸسٸنەن جاۋاپ الۋدا. جٸگٸتتٸڭ اتى - مو روبينسون, سولتٷستٸك يرلانديياداعى پورتاداۋندا تۋعان.
اۆتوتاسىمالداۋشىلار قاۋىمداستىعىنىڭ اتقارۋشى ديرەكتورى ريچارد بەرنەتتٸڭ ايتۋىنشا, جٷك كٶلٸگٸ - رەفريجەراتورلىق اگرەگات, الىپ مۇزداتقىشتىڭ ٸشٸندەگٸ اۋا تەمپەراتۋراسىن -25 ° س-قا دەيٸن تٶمەندەتۋگە بولادى.
بەرنەتت بۇل اسا قورقىنىشتى جاعداي ەكەنٸن ايتقان.
ەسسەكس پوليتسيياسى باستىعىنىڭ ورىنباسارى پيپپا ميللس ۇزاققا سوزىلسا دا, مٷردەلەردٸڭ تۇلعاسىن انىقتاۋدىڭ ماڭىزى زور ەكەندٸگٸن جەتكٸزدٸ.
پوليتسييا ۇستالعان ەر ادامعا تيەسٸلٸ ەكٸ ٷيدٸ تٸنتٸپ شىقتى.
قىلمىسقا قارسى كٷرەس ۇلتتىق اگەنتتٸگٸ ٸستٸ تەرگەۋگە قولعابىس ەتٸپ وتىرعانىن مەلٸمدەدٸ.
بولگارييا سىرتقى ٸستەر مينيسترلٸگٸنٸڭ ٶكٸلٸ جٷك كٶلٸگٸنٸڭ بولگاريياداعى يرلاندييا ازاماتىنا تيەسٸلٸ كومپانييانىڭ اتىنا تٸركەلگەنٸن ايتتى. مينيسترلٸك ٶكٸلٸنٸڭ سٶزٸ مٷردەلەردٸڭ بولگارييا ازاماتتارى ەمەس دەگەنگە سايادى.
ەسكە سالا كەتەيٸك, كەشە ەسسەكس گرافتىعىنىڭ تارروك قالاسىندا كونتەينەرلٸك جٷك كٶلٸگٸنەن 39 ادامنىڭ دەنەسٸ تابىلعانىن حابارلاعان ەدٸك. ولاردىڭ 38-ٸ – ەرەسەك, بٸرەۋٸ جاسٶسپٸرٸمنٸڭ مٷردەسٸ.
