Britaniiada koronavirýs juqtyrý koeffitsenti tómendep jatyr. 7 millionǵa jýyq adam ekpe alǵannan keiin Pfizer/BioNTech vaktsinasy qaýipsiz dep tanyldy. Bul týraly VVS habarlady.
Keiingi aptada Birikken Koroldyqtaǵy Covid-19 juqtyrý oqiǵalary kúnine 2-5 paiyzǵa azaiyp jatyr.
Juma kúni densaýlyq saqtaý ministrligi R koeffitsienti degen atpen tanylǵan aýrýdyń óndiris koffitsienti ár óńirde 0,7-den 1-ge deiingi aralyqta ekenin aitty.
Bir apta buryn bul koffitsient 0,7-1,1 aralyǵynda bolǵan.
Ol ár jańa naýqas emdelýdi bastaǵanǵa deiin qansha adamǵa indet juqtyratynyn kórsetedi. Eger R koeffitsienti birden tómendese epidemiia azaiyp kele jatqanyn kórsetedi.
Angliiada qazirgi ýaqytta R koeffitsienti 0,7-0,9 aralyǵynda, al Londonda bul kórsetkish – 0,6-09.
«Endi Angliiada epidemiia qysqaryp jatyr dep senimmen aitýǵa bolady, biraq múmkindiginshe, burynǵydai úide otyrǵan durys», - delingen densaýlyq saqtaý ministrliginiń málimdemesinde.
Mamyrdyń basynda 50 jastan asqan britandyqtardyń bárine Covid-19-ǵa qarsy ekpe salý josparlanyp otyr. Premer-Ministr Boris Djonson jaǵdai Pashaǵa qarai jaqsarady jáne biyl adamdar jazǵy demalystaryn durys ótkize alady dep úmittenedi.
Úkimettiń tótenshe jaǵdailar boiynsha ǵylymi keńesshileri tobynyń (SAGE) múshesi professor Grem Medli jalpy jaǵdaidyń jaqsaryp kele jatqanyn rastap, biraq úkimetti karantin erejelerin jeńildetýdiń naqty bir kúnine nazar aýdarmai, «kúntizbe boiynsha emes, jaǵdaiǵa qarai» áreket etýge shaqyrdy.
Eske salsaq, Britaniia koronavirýstan eń kóp zardap shekken Eýropadaǵy elderdiń biri. Djons Hopkins ýniversitetiniń sońǵy málimetine sáikes, álemdegi koronavirýs juqtyrǵan adamdar sany boiynsha Ulybritaniia AQSh, Úndistan, Braziliia keiin tórtinshi oryndy túiindep tur.
