Brent munaiynyń baǵasy ósimin jalǵastyrýda

- 2015 jyldyń 9 qazanynan keiin búgin alǵash ret Brent munaiynyń baǵasy bir barreli úshin 54 dollardan asty.

ICE birjasyndaǵy saýda kórsetkishteri osyny aiǵaqtaidy, dep habarlaidy "Ult aqparat".

Munaidyń barreli 54 dollardan asqan soń da, baǵanyń ósimi jalǵasyp, Máskeý ýaqytymen saǵat 19:14-te 54,24 dollarǵa jetti. 1 jeltoqsan kúni Brent munaiynyń barreli $53 bolǵan edi.

Eske sala ketsek, OPEK-ke múshe memleketter 2008 jyldan beri alǵash ret munai óndirisin táýligine 1,2 million barrelge deiin azaitý týraly kelisimge kelgennen keiin, munai baǵasy ekinshi kún qatarynan ósip keledi.

Karteldiń kezdesýi 30 qarasha kúni Venada ótti. OPEK músheleri men uiymǵa kirmeitin memleketter munai óndirisin táýligine 1,8 million barrelge deiin azaitýdy kózdep otyr.

Munai óndirisin shekteý týraly kelisim 2017 jyldyń qańtar aiynan bastap kúshine enedi. Jarty jylǵa eseptelgen kelisim naryq jaǵdaiyna bailanysty uzartylýy múmkin.