Brent munaiynyń baǵasy barreline 116 dollardan asty. Bul aqparat London birjasynyń saýda-sattyq derekteri boiynsha rastaldy, - dep habarlaidy Tengrinews.kz tilshisi.
Nur-Sultan ýaqyty boiynsha saǵat 09.10-daǵy jaǵdai boiynsha Brent markaly munaidyń mamyr aiyndaǵy fiýchersteri 10,87 paiyzǵa ósip, barreline 116,38 dollar boldy.
Sáýirdegi WTI fiýchersteri 9,55 paiyzǵa ósip, 113,29 dollarǵa deiin ósti.
24 aqpanda 2014 jyldyń qyrkúieginen beri alǵash ret barreline 100 dollardan, 2 naýryzda ol 110 dollardan asty. Amerikalyq WTI da qymbattap barady.
RIA Novosti agenttiginiń málimetinshe, Brent baǵasy 100 dollardan asqan soń, Rystad Energy saraptamalyq agenttigi Ýkrainadaǵy jaǵdai aiasynda Resei munaiynyń jetkizilimi toqtatylatyn bolsa, munaidyń álemdik baǵasy maýsymǵa deiin barreline 130 dollarǵa deiin kóterilýi múmkin dep boljaǵan. 
