Braziliiada koronavirýsqa qarsy vaktsinany tekserýden ótkizýge qatysqan erikti qaitys boldy. Al vaktsinany AstraZeneca kompaniiasy men Oksford ýniversiteti ázirlegen, dep habarlaidy RIA Novosti Anvisa ulttyq densaýlyq saqtaý agenttigine silteme jasap.
Vedomstvo málimetine sáikes, ólimniń sebebi "etika jáne qupiia saqtalýyna bailanysty" jariialanbaidy. Sondai-aq eriktiniń platsebo (preparat túrinde daiyndalǵan, biraq emdik qasietteri joq zat) nemese preparattyń ózin qabyldaǵany týraly da aitylmaidy.
"AstraZeneca kompaniiasy bul jaǵdaiǵa qatysty túsinikteme berýden bas tartyp, osy oqiǵamen bailanysty resmi pozitsiia joq", – dep málimdedi.
Braziliialyq BAQ "halyqaralyq zertteýmen tanys" derekkózge silteme jasai otyryp, azamattyń Covid-19 asqynýlarynan qaitys bolǵanyn habarlady. Sonymen qatar synaq kezinde vaktsina emes, platsebo qabyldaǵanyn jazdy.
Qaitys bolǵan eriktitiń Rio-de-Janeirodaǵy jeke klinikada koronavirýspen aýyratyn naýqastarmen reanimatsiia bóliminde jumys istegen 28 jastaǵy dáriger ekeni belgili, dep habarlady RT.
Oksfordta vaktsinanyń qaýipsiz ekenin aitylyp, ony synaqtan ótkizý jalǵasyp jatyr.
Synaqtardy toqtatý
Qyrkúiektiń basynda AstraZeneca vaktsinasyn synaý Japoniiadaǵy eriktilerdiń birinde bolǵan asqynýlarǵa bailanysty toqtatyldy.
Sonymen qatar Ulybritaniianyń densaýlyq saqtaý ministri mundai sharalar jazda da qabyldanǵanyn, sodan keiin "bári esh qiyndyqsyz sheshilgenin" málimdedi.
Úsh kúnnen keiin testileý qaita bastalǵan.
Dúniejúzilik densaýlyq saqtaý uiymy AstraZeneca kompaniiasyna koronavirýs infektsiiasyna qarsy vaktsinany synaýdy toqtata turý jaily túsindirý jumystaryn júrgizgen kezde preparatty ázirleýdegi basty qundylyq qaýipsizdik ekenin aitty.
Gamaleia atyndaǵy epidemiologiia jáne mikrobiologiia ǵylymi ortalyǵynyń jetekshi mamany Fedor Lisitsyn synaqtardy toqtata turýdy durys sheshim dep atady. Sebebi eriktiniń jaǵdaiy asqynyp ketken edi.
Reseidiń tikelei investitsiialar qorynyń málimdeýinshe, synaqty toqtata turý kei eldiń qate áreket etkenin kórsetti
