Brýmadino qalasyna jaqyn bóget 25 qańtar kúni buzylǵan. Ol metallýrgiialyq ónerkásip qaldyqtary bar sýdy tejep turǵan. Nysannyń ne sebepti jarylǵany ázirge belgisiz. Alaida, apat bolatyn sátte eskertý júiesi istemei qalǵany habarlandy. Sel shahtalardy shaiyp, úilerdi jáne júzdegen jumysshy tamaqtanyp otyrǵan ashanany shaiyp ketti.
Keibir jerlerde selden qalǵan lai qabaty 15 metrge deiin jetedi. Braziliia qutqarýshylaryna Izrailden injenerler, dárigerler men áskeri súńgýirler kómekke bardy. Izdeý-qutqarý sharalary bastalǵannan beri 200-ge tarta adam qutqaryldy.
Taý-ken keshenine ielik etetin Vale kompaniiasy barlyq tiisti qaýipsizdik sharalaryn oryndaǵanyn aitady. Alaida, Braziliia biligi kompaniiany "salaqtyq pen biliksizdik tanytty" dep aiyptap, jalpy somasy 3 milliard dollarǵa jýyq aktivin buǵattady.
Vale kompaniiasynyń taý-ken ónerkásibi kesheninde osymen ekinshi ret qaiǵyly oqiǵa bolyp otyr. 2015 jyly kompaniianyń Samarko kenishine jaqyn bógeti jarylyp, 19 adam qaza tapqan.
