Bozjyra Ústirt qoryǵyna engizile me? Bul suraqqa Ekologiia, geologiia jáne tabiǵi resýrstar ministri Maǵzum Myrzaǵaliev Ortalyq kommýnikatsiialar qyzmetindegi baspasóz máslihatynda jaýap berdi, dep habarlaidy "Ult aqparat".
«Ústirt qoryǵy aýmaǵyn keńeitý úshin zoologtar, biologtar men ekologtar jan-jaqty jumys júrgizý kerek. Ol úshin salmaqty negiz daiyndalýy tiis. Ázirge Bozjyrany Ústirt qoryǵyna engizemiz dep aita almaimyn. Jumysty zertteý nysanasy turǵysynan tyńǵylyqty júrgizý kerek. Taǵy da aitar bolsam, ázirge jospar joq, sebebi kez kelgen keńeitý jumysy negizdi talap etedi», - dedi Maǵzum Myrzaǵaliev OKQ-da ótken baspasóz máslihatynda.
Bozjyra shatqalyndaǵy qonaq úi qurylysy týraly da suraq qoiyldy. Maǵzum Myrzaǵaliev atalmysh máselege birjolata núkte qoiylǵanyn, investor ony basqa jerde salýǵa kelisim bergenin eske saldy.
«Haiptyń bári qaidan shyqty? Naqty ýchaskege bekitilmegen eskiz-jobadan tarap otyr. Sol sebepti bul máselege sýyq aqylmen kelgen jón eji. Pikirtalas toqtamaǵannan keiin biz aýmaqtyq organdardyń ókilderimen jan-janýarlar júretin aýmaqty, áleýetti júktemeni zerttep, investormen de osy máseleni talqyladyq. Sosyn Jabaiyushqan qoryǵynan ketý týraly usynys joldadyq. Aqyry investor ol usynysqa qulaq asty da, máselege núkte qoiyldy», - dedi ministr.
