Almaty oblysynyń ákimi Qanat Bozymbaev Jetisý oblysyn qurý jumysy týraly aitty, dep habarlaidy Sputnik Qazaqstan.
"Almaty oblysyn bólý odan ári áleýmettik-ekonomikalyq ósý múmkindikteriniń taýsylýyna bailanysty emes, memlekettik mańyzy bar máselelerdi sheshý úshin, iaǵni oblystyń 1 mln-nan astam turǵyny turatyn Almaty aglomeratsiiasyn damytý úshin júrgiziledi. Sonyń ishinde 170 myń adam Almaty mańyndaǵy infraqurylym joq saiajai alaptarynda turady. Taldyqorǵan qalasynan alys jerde bul máselelerdi sheshý ońai emes. Sondyqtan elimizdiń ákimshilik-aýmaqtyq qurylymyn jetildirý boiynsha memleket basshysy qoiǵan mindettiń mańyzy zor", - dedi Bozymbaev oblystyq máslihattyń kezekten tys sessiiasynda.
Ákimniń aitýynsha, jańadan qurylatyn Jetisý oblysynyń aýmaǵynda 352 eldi mekeni bar 8 aýdan jáne 2 qala kiredi. Almaty oblysynda 380 eldi mekeni bar 9 aýdan jáne 1 qala bolady.
"Biz Qazaqstan Respýblikasy prezidentiniń ákimshilik-aýmaqtyq qurylym týraly jarlyǵyn qabyldaý jónindegi is-qimyl algoritmin ázirledik. Oblysty bólý jónindegi jumys komissiiasy quryldy, oǵan oblystyq basqarmalar men aýmaqtyq organdardyń birqatar basshylary kirdi. Almaty oblysynyń shekarasyn Jetisý oblysynyń jerin aýmaǵynan shyǵarý arqyly ózgertý týraly úkimet qaýlysynyń jobasy da daiyndaldy", - dep atap kórsetti Bozymbaev.
Eki oblystyń shemalyq kartasy daiyn. Endi, qoldanystaǵy shtat sanyn qaita bólý jáne memlekettik organdardy ornalastyrý úshin obektilerdi aiqyndaý jumystary bastaldy. Ákimniń sózine qaraǵanda, ulttyq ekonomika ministrligine Jetisý oblystyq ákimdiktiń shtat sanyna qatysty usynys jiberlidi.
Ázirshe, shtat sany 448 adam bolady degen jospar bar.
"Sondai-aq, kóshýge bailanysty shyǵyndardy qarjylandyrý boiynsha birqatar problemalyq máseleler bar. Jetisý oblysynyń ákimshiligi Taldyqorǵan qalasynda qalatyndyqtan, qosymsha shyǵystar ákimshiligi Qapshaǵai qalasynda ornalasatyn Almaty oblysyn ornalastyrýǵa bailanysty bolady. Bul, birinshi kezekte, qyzmettik úi-jailardy jaldaý, kóterme járdemaqy tóleý, qyzmetkerler men olardyń otbasy músheleri úshin turǵyn úi jaldaý shyǵyndary", - dedi Bozymbaev.
