«Jasyl» tehnologiialar ortalyǵy óz jumysyn 2018 jyly bastaidy. Bul týraly búgin «Jasyl kópir» seriktestik baǵdarlamasy» halyqaralyq forýmy barysyndaǵy baspasóz máslihatynda QR Energetika ministri Qanat Bozymbaev málim etti, dep habarlaidy QazAqparat.
«Qazaqstan dáiekti túrde «jasyl» ekonomikaǵa aýysý tujyrymdamasyn júzege asyrýda. Osy tujyrymdamany iske asyrýdaǵy qadamdardyń biri - EKSPO pavilondary biriniń bazasynda «Jasyl» tehnologiialar jáne investitsiialar ortalyǵyn qurýǵa negizdelgen. Ózderińiz bilesizder, ortalyqty BUU-nyń túrli uiymdarynyń qoldaýymen qurý qarastyrylyp otyr. Sonymen qatar biz jeke kapitaldyń qatysýyn da eskerýdemiz», - dedi Bozymbaev.
Onyń sózine qaraǵanda, ortalyq qyzmetine Ortalyq Aziia óńiri halqy arasynda «jasyl» mádenietti qalyptastyrý, «jasyl» tehnologiialar transferti, sondai-aq «jasyl» qarjylandyrý kiredi.
«Jańa jylǵa deiin negizgi qujattarǵa qol qoiyp, kelissózderdi aiaqtaimyz degen oidamyn. Osy rette aldaǵy jyly ortalyq tolyqqandy qyzmet etýi tiis», - dedi ministr.
.jpeg)