Qanat Bozymbaev pen Daniiar Aqyshev "Samuryq-Qazyna" ultyq ál-aýqat qory" direktorlar keńesinen shyǵaryldy. Bul týraly Qazaqstan qor birjasy (KASE) saitynda habarlandy, dep jazady Sputnik Qazaqstan.
Obligatsiialary Qazaqstan qor birjasynyń resmi tiziminde turǵan "Samuryq-Qazyna" ulttyq ál-aýqat qory KASE-ke jalǵyz aktsionerdiń 2022 jylǵy 22 qańtardaǵy sheshimimen kompaniianyń direktorlar keńesi quramyna ózgeris engizilgenin málimdedi.
Direktorlar keńesinen Qanat Bozymbaev pen Daniiar Aqyshev shyǵaryldy. Timýr Súleimenov sailandy.
Endi qordyń direktorlar keńesine alty adam kiredi: Djon Dýdas, Ong Býn Hvi, Lýka Sýtera, Álibek Qýantyrov, Almasadam Satqaliev jáne Timýr Súleimenov.
Aita keteri, Qanat Bozymbaev 2021 jyldyń qarashasynan Almaty oblysyn basqarady. Al Daniiar Aqyshev 2019 jyly Tuńǵysh Prezident Nursultan Nazarbaevtyń keńesshisi bolyp taǵaiyndaldy.
Timýr Súleimenov 2021 jyldyń shildesinen Qazaqstan Prezidenti Ákimshiligi basshysynyń birinshi orynbasary qyzmetin atqarady.
