QR Energetika ministri Qanat Bozymbaev kezekti ret elimizdegi benzin naryǵyndaǵy jaǵdaiǵa túsinikteme berdi, dep habarlaidy QazAqparat.
«Úsh kúnnen keiin Pavlodar munai óńdeý zaýyty iske qosylady. Meniń oiymsha, qazaqstandyq bezninniń ótkizilýi esebinen baǵa boiynsha jaǵdai qalpyna keletin bolady. Qazannyń sońyna qarai baǵa boiynsha aityp beremiz»,-dedi ministr.
Osy oraida ol qazan aiynda elimizde AI-92 benzininiń 40 paiyzdan astamy reseilik ónimge tieseli ekenin eske salyp ótti. Al benzinniń bul markasy Reseide qymbattaý.
«Sondyqtan ol bizdegi ortasha baǵaǵa áser etti. Qarasha aiynda reseilik benzinniń úlesi tómendeidi degen oidamyz», - dedi Bozymbaev.
Sonymen qatar QR Energetika ministri qazaqstandyq munaishylarǵa óziniń úndeýin jetkizdi.
«Endi benzinniń basym bóligi qazaqstandyq úleske tiesili bolady. Qarashada biz munaishylarmen jaqsy jumys isteýimiz kerek, iaǵni olar munai óńdeýshi zaýyttarmen birge ózderiniń tábetin basýy qajet», - dedi Bozymbaev.
