قر ەنەرگەتيكا مينيسترٸ قانات بوزىمباەۆ كەزەكتٸ رەت ەلٸمٸزدەگٸ بەنزين نارىعىنداعى جاعدايعا تٷسٸنٸكتەمە بەردٸ, دەپ حابارلايدى قازاقپارات.
«ٷش كٷننەن كەيٸن پاۆلودار مۇناي ٶڭدەۋ زاۋىتى ٸسكە قوسىلادى. مەنٸڭ ويىمشا, قازاقستاندىق بەزنيننٸڭ ٶتكٸزٸلۋٸ ەسەبٸنەن باعا بويىنشا جاعداي قالپىنا كەلەتٸن بولادى. قازاننىڭ سوڭىنا قاراي باعا بويىنشا ايتىپ بەرەمٸز»,-دەدٸ مينيستر.
وسى ورايدا ول قازان ايىندا ەلٸمٸزدە اي-92 بەنزينٸنٸڭ 40 پايىزدان استامى رەسەيلٸك ٶنٸمگە تيەسەلٸ ەكەنٸن ەسكە سالىپ ٶتتٸ. ال بەنزيننٸڭ بۇل ماركاسى رەسەيدە قىمباتتاۋ.
«سوندىقتان ول بٸزدەگٸ ورتاشا باعاعا ەسەر ەتتٸ. قاراشا ايىندا رەسەيلٸك بەنزيننٸڭ ٷلەسٸ تٶمەندەيدٸ دەگەن ويدامىز», - دەدٸ بوزىمباەۆ.
سونىمەن قاتار قر ەنەرگەتيكا مينيسترٸ قازاقستاندىق مۇنايشىلارعا ٶزٸنٸڭ ٷندەۋٸن جەتكٸزدٸ.
«ەندٸ بەنزيننٸڭ باسىم بٶلٸگٸ قازاقستاندىق ٷلەسكە تيەسٸلٸ بولادى. قاراشادا بٸز مۇنايشىلارمەن جاقسى جۇمىس ٸستەۋٸمٸز كەرەك, ياعني ولار مۇناي ٶڭدەۋشٸ زاۋىتتارمەن بٸرگە ٶزدەرٸنٸڭ تەبەتٸن باسۋى قاجەت», - دەدٸ بوزىمباەۆ.
