Qanat Bozymbaev Energetika ministri laýazymynan nelikten ketkeni belgili boldy, dep habarlaidy "Ult aqparat".
Bul týraly telegram kanalynda Energetika ministrliginiń baspasóz hatshysy Nurlybek Jeńisbek jazdy.
«Qanat Bozymbaev omyrtqasynyń moiyn tusyna jasalǵan otaǵa bailanysty QR Prezidentine densaýlyǵynyń jai-kúiin baian etti. Dárigerlerdiń keńesi boiynsha ol kólikpen jáne áýe ushaqtarymen jasalatyn saparlardy azaitýy tiis. Sonymen birge, dárigerler oǵan densaýlyǵyn qalpyna keltirý úshin uzaq merzimdi fizioterapevti em qabyldaýǵa keńes beredi. Ministr aimaqtarǵa, sonymen birge áriptesterimen, investorlarmen nemese halyqaralyq uiym ókilderimen (OPEK, MAGATE jáne taǵy basqa) kezdesý úshin jii saparǵa shyǵady, ushaqpen de (salalyq nysandarǵa, stantsiialar men ken oryndaryna) jii qatynaidy», - dep jazdy Nurlybek Jeńisbek.
Eske sala ketsek, búgin Qanat Bozymbaevtyń Qazaqstan Respýblikasy Prezidentiniń kómekshisi bolyp taǵaiyndalǵany habarlanǵan bolatyn.
