QR energetika ministri Qanat Bozymbaev premer-ministr tarapynan benzinge qatysty aitylǵan synǵa pikir bildirdi, - dep habarlaidy "Ult aqparat" kaz.tengrinews.kz portalyna silteme jasap.
"Men joǵarǵy basshylyqtyń sheshimin talqylamaimyn. Ol óz quzyretindegi sharany qoldandy. Talqylaiyn degen oiym joq. Men prezentatsiia jasap, bul jaǵdaidan qalai shyǵý úshin ne isteý kerektigin kórsettim. Benzin baǵasynyń ózgerýine bailanysty ártúrli janarmai beketteri ár túrli baǵa qoiady. Bireýler shyn peiilmen satyp jatty, al bireýler ustap turdy", - dedi Qanat Bozymbaev.
"Eger men munai tapshylyǵy joq desem, iaǵni munai bazalarynda áli de qaldyqtardyń baryn aitqanym. Qaldyqtar kóbeiip jatyr. Men ár ákimge janarmai beketterinde munaidyń baǵasyn ósetinin kútpei, ustap turýyn qoisyn dep eskerttim. Buǵan jol joq, jaýapkershilik bolady", - dedi energetika ministri.
Vedomstvo basshysy nelikten bul jaǵdaidy benzin tapshylyǵy joq dep sanaitynyn túsindirdi. "Janarmai beketteri qaldyqtaryn ustap, baǵanyń ósýin kútip otyr. Bul qiyn jaǵdai, shydamdylyq kerek, baǵany da túsirý qajet. Qarashada benzin eki ese kóp bolady", - dedi Qanat Bozymbaev.
"Men - ministrmin. Meniń taǵdyrym Prezidenttiń qolynda. Ol ne dese, sol bolady", - dedi ministr.
Eske salaiyq, Qazaqstannyń premer-ministri Baqytjan Saǵyntaev Nursultan Nazarbaevtyń atyna Qazaqstannyń energetika ministri Qanat Bozymbaevqa sógis jariialaý týraly usynys engizedi.
"Men mynadai sheshim jasaimyn. Úkimet múshelerine qatysty tártiptik sharalardy el Prezidenti qabyldaityndyqtan, men búgin Memleket basshysynyń atyna energetika ministri Qanat Aldabergenuly Bozymbaevqa sógis jariialaý týraly usynys engizemin", - dedi Saǵyntaev úkimet otyrysynda.
