قر ەنەرگەتيكا مينيسترٸ قانات بوزىمباەۆ پرەمەر-مينيستر تاراپىنان بەنزينگە قاتىستى ايتىلعان سىنعا پٸكٸر بٸلدٸردٸ, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
"مەن جوعارعى باسشىلىقتىڭ شەشٸمٸن تالقىلامايمىن. ول ٶز قۇزىرەتٸندەگٸ شارانى قولداندى. تالقىلايىن دەگەن ويىم جوق. مەن پرەزەنتاتسييا جاساپ, بۇل جاعدايدان قالاي شىعۋ ٷشٸن نە ٸستەۋ كەرەكتٸگٸن كٶرسەتتٸم. بەنزين باعاسىنىڭ ٶزگەرۋٸنە بايلانىستى ەرتٷرلٸ جانارماي بەكەتتەرٸ ەر تٷرلٸ باعا قويادى. بٸرەۋلەر شىن پەيٸلمەن ساتىپ جاتتى, ال بٸرەۋلەر ۇستاپ تۇردى", - دەدٸ قانات بوزىمباەۆ.
"ەگەر مەن مۇناي تاپشىلىعى جوق دەسەم, ياعني مۇناي بازالارىندا ەلٸ دە قالدىقتاردىڭ بارىن ايتقانىم. قالدىقتار كٶبەيٸپ جاتىر. مەن ەر ەكٸمگە جانارماي بەكەتتەرٸندە مۇنايدىڭ باعاسىن ٶسەتٸنٸن كٷتپەي, ۇستاپ تۇرۋىن قويسىن دەپ ەسكەرتتٸم. بۇعان جول جوق, جاۋاپكەرشٸلٸك بولادى", - دەدٸ ەنەرگەتيكا مينيسترٸ.
ۆەدومستۆو باسشىسى نەلٸكتەن بۇل جاعدايدى بەنزين تاپشىلىعى جوق دەپ سانايتىنىن تٷسٸندٸردٸ. "جانارماي بەكەتتەرٸ قالدىقتارىن ۇستاپ, باعانىڭ ٶسۋٸن كٷتٸپ وتىر. بۇل قيىن جاعداي, شىدامدىلىق كەرەك, باعانى دا تٷسٸرۋ قاجەت. قاراشادا بەنزين ەكٸ ەسە كٶپ بولادى", - دەدٸ قانات بوزىمباەۆ.
"مەن - مينيسترمٸن. مەنٸڭ تاعدىرىم پرەزيدەنتتٸڭ قولىندا. ول نە دەسە, سول بولادى", - دەدٸ مينيستر.
ەسكە سالايىق, قازاقستاننىڭ پرەمەر-مينيسترٸ باقىتجان ساعىنتاەۆ نۇرسۇلتان نازارباەۆتىڭ اتىنا قازاقستاننىڭ ەنەرگەتيكا مينيسترٸ قانات بوزىمباەۆقا سٶگٸس جارييالاۋ تۋرالى ۇسىنىس ەنگٸزەدٸ.
"مەن مىناداي شەشٸم جاسايمىن. ٷكٸمەت مٷشەلەرٸنە قاتىستى تەرتٸپتٸك شارالاردى ەل پرەزيدەنتٸ قابىلدايتىندىقتان, مەن بٷگٸن مەملەكەت باسشىسىنىڭ اتىنا ەنەرگەتيكا مينيسترٸ قانات الدابەرگەنۇلى بوزىمباەۆقا سٶگٸس جارييالاۋ تۋرالى ۇسىنىس ەنگٸزەمٸن", - دەدٸ ساعىنتاەۆ ٷكٸمەت وتىرىسىندا.
