QR Energetika ministri Qanat Bozymbaev «Qalamqas» munai-gaz ken ornyndaǵy órtke qatysy pikir bildirdi, dep habarlaidy QazAqparat tilshisi.
«Nashar tsementtelgen nemese karotaj jumystaryn nashar júrgizýi múmkin. Qazir eń basty másele - ony qalai toqtatýda bolyp tur. Birinshi orynbasarym (birinshi vitse-ministr Mahambet Dosmuhambetov - avt) sol jaqta, oqiǵa ornynda. Ol jumys jasap jatyr. Búgin sol jerde shtab qandai da bir negizgi sheshim qabyldaityn bolady. Videoda gaz, ga-sý qospasy janyp jatyr. Zardap shekkender joq, ol jerde kásibi munaishylar jumys isteidi. Eldi meken alshaq ornalasqan. Munan úlken tragediia jasaýdyń qajeti joq. Mán-jaidy anyqtaimyz, kinálini anyqtaimyz. Olar shyǵyndy óteitin bolady», - dedi Qanat Bozymbaev Úkimet otyrysynan keiin BAQ ókilderine bergen suhbatynda.
Eske sala keteiik, 25 naýryz kúni saǵat 07-10-da Mańǵystaý oblystyq TJD kezekshi-dispetcherlik qyzmetine Mańǵystaý aýdanyndaǵy «MańǵystaýMunaiGaz» AQ-tyń «Qalamqas» munai ken ornyndaǵy uńǵymalardyń birinen shyqqan gaz janyp, biikti 10 metrge deiin jalyn atqylap turǵandyǵy týraly habarlama túsken. Órt aýmaǵy 900 sharshy metrdi quraǵan.
Onyń aldynda, 13 naýryzynda Mańǵystaý oblysyndaǵy «Qalamqas» munai-gaz ken ornynda «Si Bý» injenerlik burǵylaý kompaniiasy» JShS jobalyq tereńdigi 903 metrlik №8237 uńǵymasyn burǵylaý barysynda gaz-sý qospasy atqylap, tótenshe jaǵdai bolǵan edi. Atalǵan fakti boiynsha Energetika ministrligi Munai-gaz keshenindegi memlekettik inspektsiiasy batys óńiraralyq basqarmasy men Mańǵystaý oblystyq ekologiia departamenti «Mańǵystaý munaigaz» AQ-ǵa qatysty tekserý taǵaiyndaǵan.
