قر ەنەرگەتيكا مينيسترٸ قانات بوزىمباەۆ «قالامقاس» مۇناي-گاز كەن ورنىنداعى ٶرتكە قاتىسى پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«ناشار تسەمەنتتەلگەن نەمەسە كاروتاج جۇمىستارىن ناشار جٷرگٸزۋٸ مٷمكٸن. قازٸر ەڭ باستى مەسەلە - ونى قالاي توقتاتۋدا بولىپ تۇر. بٸرٸنشٸ ورىنباسارىم (بٸرٸنشٸ ۆيتسە-مينيستر ماحامبەت دوسمۇحامبەتوۆ - اۆت) سول جاقتا, وقيعا ورنىندا. ول جۇمىس جاساپ جاتىر. بٷگٸن سول جەردە شتاب قانداي دا بٸر نەگٸزگٸ شەشٸم قابىلدايتىن بولادى. ۆيدەودا گاز, گا-سۋ قوسپاسى جانىپ جاتىر. زارداپ شەككەندەر جوق, ول جەردە كەسٸبي مۇنايشىلار جۇمىس ٸستەيدٸ. ەلدٸ مەكەن الشاق ورنالاسقان. مۇنان ٷلكەن تراگەدييا جاساۋدىڭ قاجەتٸ جوق. مەن-جايدى انىقتايمىز, كٸنەلٸنٸ انىقتايمىز. ولار شىعىندى ٶتەيتٸن بولادى», - دەدٸ قانات بوزىمباەۆ ٷكٸمەت وتىرىسىنان كەيٸن باق ٶكٸلدەرٸنە بەرگەن سۇحباتىندا.
ەسكە سالا كەتەيٸك, 25 ناۋرىز كٷنٸ ساعات 07-10-دا ماڭعىستاۋ وبلىستىق تجد كەزەكشٸ-ديسپەتچەرلٸك قىزمەتٸنە ماڭعىستاۋ اۋدانىنداعى «ماڭعىستاۋمۇنايگاز» اق-تىڭ «قالامقاس» مۇناي كەن ورنىنداعى ۇڭعىمالاردىڭ بٸرٸنەن شىققان گاز جانىپ, بيٸكتٸ 10 مەترگە دەيٸن جالىن اتقىلاپ تۇرعاندىعى تۋرالى حابارلاما تٷسكەن. ٶرت اۋماعى 900 شارشى مەتردٸ قۇراعان.
ونىڭ الدىندا, 13 ناۋرىزىندا ماڭعىستاۋ وبلىسىنداعى «قالامقاس» مۇناي-گاز كەن ورنىندا «سي بۋ» ينجەنەرلٸك بۇرعىلاۋ كومپانيياسى» جشس جوبالىق تەرەڭدٸگٸ 903 مەترلٸك №8237 ۇڭعىماسىن بۇرعىلاۋ بارىسىندا گاز-سۋ قوسپاسى اتقىلاپ, تٶتەنشە جاعداي بولعان ەدٸ. اتالعان فاكتٸ بويىنشا ەنەرگەتيكا مينيسترلٸگٸ مۇناي-گاز كەشەنٸندەگٸ مەملەكەتتٸك ينسپەكتسيياسى باتىس ٶڭٸرارالىق باسقارماسى مەن ماڭعىستاۋ وبلىستىق ەكولوگييا دەپارتامەنتٸ «ماڭعىستاۋ مۇنايگاز» اق-عا قاتىستى تەكسەرۋ تاعايىنداعان.
